الأحد، 18 يوليو 2010

ديوان سعد علوش


ديوان سعد علوش, موسوعة الشاعر سعد علوش, ديوان سعد علوش مقروءه, ديوان , الديوان, ديوان سعد علوش نبطيه, ديوان سعد علوش شعبيه

[اللوبي]

الراس بيت شيوخ والحلم جاسوس
للنفس يقطع من تركها ثواني
خذني وطلعني ولو الهوى كوس
ابتنفس شي صافي وهاني
داخل تصادم فكر ومزاحم نفوس
على فتافيت الغوى والغواني
في هاللوبي كل شي ضايع ومعكوس
ما كن في هالكون رب واماني
اثاثه الغامق وتصفيفة الكوس
تدل على ذوق راقي وداني
شفهم وشف كيف الفشل يجعل
الروس اشيا كماليه مابين الاذاني
وشف كيف هذا ثمل ويعثر ويدوس
على مسمى جده الاولاني
وشف كيف هالشايب برغبته محبوس
تحت شعار ان آخر العمر فاني
احس عنده عيله وبنت عروس
تخجل من ابوها كثير وتعاني
وشف هالجمال اللي مدثر ومحيوس
مثل الكلام اللي بليا معاني
فتاه تعرض جسمها الغض بفلوس
ويبيعها في اليوم عشرين زاني
وشفت الثنين هناك تراهم جنوس
رجال بس رجال من نوع ثاني
ضحايا نفط وقل طاعه وناموس
والام كانت طيش والاب اناني
كل الزوايا طافحه قبح ونجوس
تسبح وفي الركن الاخير المواني
واحد يغني وعنده حثاله جلوس
كأن ما في هالحياة الا اغاني
ياوخز قلبي وخزة الجرح بالموس
ياعالم ما فيه حلم وتفاني
في هاللوبي ما فيه ريس ومريوس
الكل بايع نفس والكل جاني
والكل عنده عذر واهي ومدروس
لوقلت ليه انت كذا قال اعاني
انا اللي اعاني من القوس للقوس
هذا ماهوبـ جوي ولا هو مكاني
بركض وابي يركض معي الف فانوس
الى صباحات الغلا والتفاني
روح معي والواقع احيان كابوس
وانا ما احط اللوم على زماني
احمد ربي كل ما دق ناقوس
واعرف حدودي واستحي من كياني
واصمت ليا جا للحكي روس وعسوس
واضحك ولو وجهي من البكي حاني
لو كل شي محسوس بالفعل ملموس
طلعت آخر جرح بين المحاني





[انا جنوني]
انـا جنونـي و أفكـاري جنونيـة
تخطي بي الناس و استعذب خطاياها
احساسي انـي اسامحهـم طواعيـة
يطير بي فوق هام السحب وأعلاهـا
حفظنـي ابـوي معلومـة اساسيـة
أكــارم القوم تعفـو عـن دناياها
وعلمني انسى الردى و ازين النيـة
ولا اشـوف الأوادم مـن زواياهـا
الوجـه بالوجـه و النيـه إلهـيـة
واللي بيدور على الزلـه بيلقاهـا
من تجربة عمر وابحاث اجتماعيـة
يستحقر الناس من يكشف خفاياهـا
ومن تجربة عمر وابحاث اجتماعية
الناس ما تغلي الا اللـي يتحاشاهـا
اقولهـا والخصـومـات انتقائـيـة
ناس تتحداني و انـا مـا اتحداهـا
ألعب معاهـا المبـاراه النهائيـة
من شان اجي من وراها واتعداها
الهـم كهـم ماهـو ذات اهميـة
الا اذا كان في النفس ومزاياهـا
وعلى كثر ما تعبت مـن المثاليـة
على كثـر ما اعشقهـا واتحلاهـا
ومن شان اعيش الحياه بكل حريـة
ركلت كل الامانـي مـن مقفاهـا
الا امنية فـي خفوقـي لا طبيعيـة
في كل ليلة اغمض عينـي ألقاهـا
ياليت طولي شبر او اصغـر شويـة
هذي امنية عمري اللي انا اتمناها
بطب في شنطـة اليـد الرماديـة
وبعيش من بين اشياهـا واشياهـا
افضل من متابـع اخبـار العربيـه
ومتابع النـاس ومتابـع سواياهـا


[صاحبي]
لوما عنا لي صاحبي باعني له = بقطع على شآنه طوال المسافات
ماني بدورفي البدايل بديله = وماهو بيسمع بي حاسد وشمات
لاطاح من جور الزمان أرتكي له = أرسم على مبدا مطيحه نهايات
صاحبه أنا وشلون ما أحتال أشيله = وأنا وحيدوقاهرن لي عصابات
أكتب علي يدين الزمان البخيله = ان البخل ماهو بشح الكرامات
البخل حرمان اليدين الطويله = من كسبة الأفعال في عصر الأصوات
أيست من هذا الزمان وحصيله = لأني تعبت آثور وأستبشر الآت
الماضيات من الليالي الهزيله = لا يمكن انها تصنع إلك المستجدات
تمويت الاحياء في العيون الذليله = صدقني انه مثل تمويت الاموات
لو يرفعك وقت الرخى والرذيله = سبع الاراضي تحت سبع السماوات
حنا خلقنا للرذيله فضيله = نصلح اغلاط الزمن ببتسامات
اليا تجمعنا خذينا الاصيله = واليا بتلينا بالخطى نصبح آفات
رجالنا يسوى لحاله قبيله = استغفر الله لو بقول اننا آيات
ان كانت اغلاطي في حياتي قليله = مجرد اني أكلمك عشر غلطات
حرام بك صرف الحروف الجزيله = وحلال في من خصني له وبذات
الي ملايكت الحلا تنحني له = عليه من ملح الطفوله علامات
في نظرتي كل الوجيه الجميله = مخلوقه تسوي لوجهه دعايات
ملامحه من غير حكي تحكي له = تفرض علي الي تقوله وبسكات
لو قالت ان الدايره مستطيله = قلت الدواير كلها مستطيلات
يا آخاذ لبات العقول الثقيله = اخذتني كلي ولاقلت لك هات
ليه ارتجي عطفك وليه اشتكي له = والهات في قاموس عشرتك هيهات
حببتني قربك وزاد تعبي له = في جمر عقبه بعد عقبه وعقبات
ختمت قلبي عن عشاشيق جيله = ختم المصلي بالدعى والتحيات
الين جات ليله عن الفين ليله = وصارت حكايه غير كل الحكايات
ذوبتني بين الدماث النحيله= وعلمتني فن الرسم والقياسات
وفجأه كذا بار الخليل بخليله = كله لعين مجمعين العلاقات
شحيت بي دمع الرموش الظليله = وقفتني بين الامل والمحاتات
وجدي على قلبي ويا عزتي له = دقات تيأس به وتأمله دقات
ينشد لك حيله وينهدحيله = الحزن خطوه والغرابيل خطوات
إذا الامل رمز القلوب النبيله = انا ميئس منه في كل الاوقات
ان كان شوفت غرتك مستحيله = أكيد لمسك سابع المستحيلات


[البطوله]
الشعر وهبه رب ماهو تدراس
وأنا بفضل الله أقوله وأعوله
أجذب جماهير مثل جذب الألماس
وأقعد بزوره ووأوقف كهوله
أفصحه وانبـــطه وانثره كــــاس
واسكـــــره وأفض بكــره بتوله
وألياأعلنوا شعار ساحته الإفلاس؟؟
صكيتله في بنك مخي عموله!!
الشاعر اللي فيه هيبه ونوماس؟؟
مايخذل الجمهور الاصفقوله..
يارب يالي خالق أعبادك اجناس
ياربنا يالي عظمتك مــــهوله..
يامـــالك ملكك بلاحد وقياس
الأدراك. . لو تناوله. .ماينوله..
يسبحك النمل في ليل غلاس
ويخاف بطشك فاسد وشبح دوله
يــاعالم تعلـــم بدزات الأنفاس
علـــــــمٍ عـلماء البشر ماأصلوله
ياجاعلن شيطان شاغل وخناس
ومخشره قــلـــب البنادم وزلــه
ياخالق الكرمان بيضان الالباس
ويمدمر أقرى المترفين بسهوله
يادامج الأسياف في جال الأطعاس
ويامفني العشبه. .ومبقي الجلوله.
يامنزل الفرقان جلاي الأعماس
ترضي به نفوس الــعباد الزعوله
أجنبني الشرك وعمل عمل الأنجاس
وفقهني في دينك وسنة رسولــــــه
أنا فوجهك لا يجي في وجهي الباس
في يوم تعرى فيه حتى الخجولــــه
البارحه ماغمــض الجفن بنعـــاس
غدابي التفكير صـــوله وجــــــوله
ف الناس وف الدنيا وفالهم والباس
وفي سرعة أقدام الليال العجوله
العمر يمشي والمقادير جــــــلاس
والحـــلم يا قصره لو هو يطولـــــه
والقلب هذ ا كل ما هب نســــناس
شدد معاليقه و دقـــق طبـــــــوله
والحزن طعمه طعم وأجراسه أجراس
لا جـــــــاب دمع إيجيك على أصـوله
والدمع لونقص ضــعيف وبــلاس
مانقص أرجال المواقـــــف رجـــــــــوله
بالعكس اشوفه بوح راقي و نبراس
في وقت شحت فيه حتى..الطفولة
الفلسفة ومعالج الجذع بالفاس
خذت من اثمن بحر ماسه ولوله
و الإثم و الفعل الردي و التغلاس
يرث عقد جما وأنفس ملوله
والإنسان بالفطرة مناقض للأدناس
لو يشتهي قلبة .. وتجرا رجولة
و اللي يدوس النفس ما هوب منداس
لو اوقفوله خبرته واقعدوله
و مدينة ماهيب تبنى على ساس
ماوم ماطرها لا وقف هطولة
ياليت مادون الثمينات حراس
ومادونها باب تقفل قفوله
وياليت مالي اسم من بين الأقواس
وياليت كفي باخله .. ومغلوله
وياليت ما عندي مشاعر ولا احساس
الله .. يا كم شي خافي بقوله
ويالتني انسان من ساير الناس
لأني تعبت اعيش دور البطوله
الحكم لله و المسجل بكراس
بيصيبني لو ان مانيب حوله
الله يعز الساس ويشمخ الراس
ويشيل ابعير المحامل ..حموله




[جنب حراميها]
صاحبي جنب حراميها قبل حاميها = صاحبي ..صاحبك من صدقه يهل ادماعه
الحيا من اللي خلق هالعالم و مغنيها = السما هذا سماه ..القاع هذي قاعه
و جعل نفس ٍ تستمر في معصية باريها = تبطي و هي بين ضلعين الحنك نزّاعه
لا جفتك الديره و ضاقت بك و باهليها = و جاك من جيش الهموم اثعالته و اسباعه
و فسقت العالم ..و ناقم خبلها صاحيها = و حكيت الرويبضه ..و انبطروا الزّرّاعه
غط خشمك في التراب و قول : يا مفنيها = افنني وانا مسبح ٍ لك بسمع و طاعه
راكب اللي ضمّر من اسهابها جنبيها = أولف من الجد .. و من ظلالها جزّاعه
لا أوقفت رزّت قواصيها على دانيها = و لا مشت يطري عليك الهوش و الفرّاعه
لون مقدمها "صباح الخير " يا راعيها = ولون موخرها مثل ما تشعل الولاّعه
في نحرها المجد و الخير الرضي قافيها = و في وسطها غاروا الشيخان و الفزّاعه
ايعقب سوّامها .. قبل يخسى شاريها = ما تجمع عندها الدلاّل و البيّاعه
من مرابط عز و راعيها مهوب مصخيها = ما يودعها المودع عند أخوه اوداعه
امخشوشه لين يأتي في السبق طاريها = ولا اظهرت لفّت رقاب العالم الطّمّاعه
كنها في موكب السواس و امباريها = بنت أمير ٍ من كثر طيبه تحشم اتباعه
و كن الأرض تقول فيها : الله يحييها = جعل أبرك يوم جيتي فيه و ابرك ساعه
ولا ابتدأ المركاض و جتك الخيل من تاليها = جاتك أولها تقول في ذيلها درّاعه !!
ضرب يديها على البيدا قبل رجليها = ضرب أصابع فارع ٍ تطبع على طبّاعه
تنحر اللي يعرف القصة قبل لا أحكيها = بس أبحكيها عليه و بارفع السمّاعه
الرجال أشكال و عاليها على واطيها = فيهم الأدنى و الأدنى و الدني بانواعه
وفيهم اللي لا بغى له حاجة يسويها = ما يرده عقل و لا تحتميه أطباعه
و فيهم اللي لا رمى الطولات ما يخطيها = كل ما هبت هبوب الطيب فل اشراعه
وفيهم اللي يأخذ الحسنه و لا يجزيها = و هذا أبشع شيء .. و أردى نوع و أكبر راعه
و فيهم اللي جاته الدنيا و هو هاويها = حظه يكسّب له اللي ما كسبه ذراعه
و فيهم اللي علته في جوشنه كانيها = ما تسولفها زوايا خافقه لأضلاعه
و فيهم اللي شل هم الناس و محاتيها = و ما فلح في أوضاعهم ..و لا التفت لأوضاعه
و فيهم اللي لا حكى كلمة مهوب يثنيها = و فيهم الزيزوم و وجه الخير ..و الطرقاعه
و الحياه .. أشياء تتراكم على بعضيها = ما يفرق بعضها إلا من يحسب أوجاعه
و الله إني صرت لا أبغضها و لا أدانيها = معتبر نفسي متاجر و الصلاة بضاعه
لان قلبي من عرف وش في الصلاة و فيها = غادي كنه و هي البزر و المرضاعه!
و والله يارجل يجنبها و لا يدّيها = إن ماله خانه .. و ما في عمره أطماعه
و أنت لو زليت عندي زلتك ناسيها = و جعل كبد اللي مهوب يغليك سم اللاّعه
صاحبي ما تعرف الانفس و لا خافيها = النفوس من النفوس الخافيه ..ملتاعه
صاحبي مرّ الليالي من سبب حاليها = صاحبي انزع من القلب النبيل قناعه
ما انت ب أمكوش على الدنيا و لا محصيها = انشد اللي لا عب الدنيا براس اصباعه
ستة وعشرين عام عام أفلّها و أطويها = صبحها رغّابه و لي ليلها منّاعه
صاحبي جنب حراميها قبل حاميها = صاحبي ..صاحبك من صدقه يهل ادماعه
بانصحك نصيحة ما عادني بثانيها = دام عمرك ساعه ..اجعلها لربي طاعه



[رجّاله]
عاذرك ياقلب من كبر الخطا والهاله
أسجد أبعوج المحاني وأدع ربّك وأرجه
حالتك من حيلتك يرثالها من حاله
كل مهنا سقتها مصلوبه او منعرجه
فاقدّلّك واحدن يسوى العرب بلحااله
لبّااا والله أعيونه .. الجرّاايه المنحرجه
أشهد أن الاّّ .. تقال ال غيره والاّّ اا .. له
صاحبن في بيد قلبي ... قاطعلّه فرجه
غايبن قدله ليالي وأنقطع جوّاله
من يعوّض ضحكته والاّ يعوّض هرجه
الخيار .. التّحفه .. الرّعبوبه .. الرّجاله
الدماث .. البعثره الكبرياء .. المرجه
أوّل أجروحي فباله .. يوم جيت فباله
وأأأخر أجروحه بقلبي .. زاويه منفرجه



[علم النفس]
في فن علم النفس وانماط iiالحياه
مصيبتك طلّع وراها فايده..
لاينتثر فكرك على كذا iiاتجاه
الخصخصه فن العقول iiالرايده..
وان ساد من حولك شعور iiالاشتباه
خذ لشعورك منطقه iiمحايده..
الثقه سقف العقل والناقص iiذكاه
من حسسك بأن فيه حاجه iiزايده..
والابداع؟ماهو لعب شد iiالانتباه
على حساب الغاء فكره iiسايده..
والضيق ضيق الافق واكظام iiالشفاه
وفهم الحياه على انها iiمزايده..
افضل وسيله للسعاده iiوالنجاه
سهله على الراغب ولا هي iiكايده..
توحد الله صدق وتقيم iiالصلاه
وجعل الفواحش عن حدودك iiنايده..
وتكف يدك وتحمد الله على iiالغناه
وتخشّر هنودك معك في المايده..
ولاتخاوي لاشيوخ ولا iiرعاه
خاو اصدقا تفكيرك وفرايده..
والشيخ من تواضعه يسبق عطاه
يتعودون الناس من iiعوايده..
والحب ذروة كل شي iiومنتهاه
ومحلا من وضوحه سوى iiمكايده..
يبكي الرجال ويبحّث iiخفاه
ويعلمه شرح الحظوظ iiالباديه..
واللي يحب احد(ن) ماهو في مستواه
يبطي وعينه بالمدامع iiجايده..
ياوجد حال الشاعر ويا امه iiواباه
وجود من هاوش لأخوه iiوصايده..
اللي اتمنى اعيش واتوفى iiمعاه
حتى فعيده ماقدرت iiاعايده..
الحزن طاقه للدعاة iiوللطغاه
وانا طلعت من الجروح iiبفايده..
ان لم تزد شيئا ً على هذه iiالحياه
فتأكد انت حاجه iiزايده..



يجيب السفــــر طآريك
يجيب السفــــر طآريك يآحي ذا الطاري
وأنا بين تغميض العيون ومدامعها

غريب السفر والأغرب إحساسه الناري
ياكم ناس فرقها وكم ناس جمعها

فـ على الرغم من كمية الكبت الإجباري
يبين شعـــــور النآس لما توآدعها

وانا لا بكيت البكي جهدي وإصراري
أحس إني انظف خلق ربي وأروعهآ

ترى الشآعر ليا حب ينجـــــن ويمآري
مثل من معه ثروه ويبغى يوزعها

أحبــــــــك وإذا ماكنت داري انا داري!!
أنا كل يوم اقولهـــــا لو ماتسمعها

حبيبي .. حبيبي للوفــــــآء بايع وشاري
تخون النفوس مالقت شي يمنعهآ

هداياي كتبي..بآقي أغراضي..أشعاري
إذا انّا افترقنـــــــا طآلبـــك لاتقطعها

تبرع بها لو ما أنت راغب ولاضاري
لعل وعسى تلقى لها ناس تنفعها
......




[زجاجة عطر]
الناس مع الناس .. قضّاية وطر
والكل قيمة ما يجيه من إحتياج

وأول سطر .. ما هو مثل آخر سطر
الأول أبدأ .. لكن الآخر نتاج

والماء من يدينك حلو .. لو هو قَطر
ونهراً على يداً ماهي بيدّك ؟ هماج

وكل شيء ممكن يسبّب لك خطر!!
لأنك اتعامل مبادئك .. بمزاااج

والانثى للرجّال ؟ زجاجة عطر
واحد يبي العطر.. واحد يبي الزجاج
والشعر إذا ما شدّك من أول شطر ؟
كلام لا يكنى ولا فيه إزدواج
والآدمي على الأضاديد .. إنفطر
لذلك الله سنّ الناس .. بالزواج
من أجمل الاشياء في الدنيا .. المطر
ومن أبشع الأشياء في الدنيا .. العجاج
تقولي.. مـرحـبـا مـلـيـون .. يـا بــــردك ؟
أنـا حـسـبـتـك بـتـأخـذنـي مــــن أحـضـانـي
شـكـراً على حـضـورك .. وشـكـراً على وردك
وشـكـراً على كل شـيء .. إلا على اشجاني
أما أحـلامي أكـبـر من أحـلامك ومن وجـــدك
لــــذلـك أعـــــانــي .. لـــذلـك أعـــــانـــي
لـو إن مـشـاعـرك مــوقــوتــه على وعــــدك
يـمـدّيـه جــاهــا مــن الإجــرام مــا جــاني
تجرحني (آسفك) .. تقتلني (ما هوب قصدّك)
يالـيـتـك تـشـوف واش يـصـيـر فــ أشـجـاني
مــدري واش الـلـي خــذاني مـنـّي لـ عـنـدك
بـــه شــيء ودّانــي وبــه شــيء بــقــّانــي
أنــا رجــلـيـن في قـربـــك .. وفي بــعــدك
سـافـر مـعـك الأولــيّ .. وانـتـظـرك الثاني




قصيده التوبه
من كل حرف وكل شهوة صبابه
00000000 استغفر الله واتعوذ من ابلــيـس
اعوذ باللي أوى عبد وسرابه
00000000 لاجي نهار الحشر خلف امرى القــيس
يارب يارب الكرم والمهابه
00000000 يالي لك علوم الاوادم مناكيـس
جردني من النابيه والسبابه
00000000 ولبسني من دروع هديك متاريــس
تعبت من مسك القلم والكتابة
000000000 والشعر وافتن النساء و الاباليـس
والمدح في عزوة وشيخ وقراب
00000000 والا لدعواة الرضــيين والــّيـس
والحب وماحوله وماله ومابه
00000000 والدمع لا هبـيت علي النسانيس
والشوق واغفال العقل وانغلابه
00000000 واللـيل وخطط الدها والجواسيس
احس نفسي شاعر بساحة غرابه
00000000 شعـارهم فيهم ارخوم وملاحـيـس
وأنا لعطاش الاوادم سحابه
000000000 ومن خلقتي ماقد وطيت الدنـافيـس
احسبني فايز بالرضا والذرابه
00000000واثري مثـل من يحصر النور في كـيس
اقفي من الله والامل والرضابه
000000000واروح ادور من ورا ابلـيس احاسـيـس
اسهر على فن الكلم والخطابه
00000000 واصـبح ولـيـن اللي جمعته حماليـس
تقودني نفسي ولا اشعر ولاابه
00000000مالـت عـلـيها عاصيات الهواجـيس
من عنده ان كل الشعور يتشابه
00000000 روّس مع اللي فالدحـادر مراويـس
الاثم ماحاكى فخفوقي وخفابه
000000000 والخير ماشاعته روس النوامـيس
كم شي صار وصار محد(ن) درابه
00000000وكم غفـوة(ن) ماكـدرتها كوابيـــس
ترى ماحد(ن) له في رقبتي طلابه
00000000بس الصـراحـه من شــم الـفـواعيــس
والرجل إذا ما يعتبر في شبابه
00000000 يـعـيـب قـبـل يـشـيب ويشيب ويخيــس
ياراجي ارجي اللي مايصك بابه
00000000 لا تـرجـي الــوهـبات مـن هيس ابن هيس
استغفر الله واتتقى عذابه
00000000اللــي فرقـني عن حـياة المتـــاعــيــس
من قبل لا اعرف الهدى واعنابه
00000000 أنا وهمي والحزن face to face
والحين لله الفضل والانابه
00000000 متعافي ويمشي على زندي التــيس
هادي يشوشني طزيز الذبابة
000000000لا اعد للايام الغــبـيه ولا اقيـس
شريت عقلي في سؤال وإجابه
00000000 أنا اعبد الله وإلا اعبد الوساويــس
لذت خفوقي وانجلايت ضبابه
00000000سـجـدات ليل(ن)ظلمينه مناعيــس
فجواء مكه والحرم والرحابه
00000000لايابعـد رومـا ولـندن وباريـس
هذي ديار المصطفى والصحابه
00000000وهذيك ديار ابليس واعويـذ ابليس




[::: غني بربي :::]
غني بربّي والدعا والرفاقه" " وقرم وليا جت للقصايد مفوّه
بحرن تباعد غبّته عن زراقه" "لهل الغثا طيشه ولله هدوّه
ان زان وقتي خذت لذّة فواقه " " ولوّه يشين يشين عادي ولوّه
بنكي رياجيل الشرف والبطاقه " " جمايلي وأسمي وكبر المروّه
من لابتن في ثقل أهلها محاقه " " فعيونها كثر الاوادم يشوّه
الأكرمين أهل العقل والحماقه " " الجيّدين مزبّنين الجلوّه
هاذي فقط نبذه عن أهل العراقه" " والسامي أيرجّح كلامه سموّه
عن أفتعالات الغضب والطفاقه " " وعن المليىء اليا تبيّن خلوّه
حبّيت أبينلّك أصول اللباقه " " مع واحدن غيثه يساابقه نوّه
وألاّ أنت كامل لاكن أن فيك عاقه "" ينقص برستجيك شويّة جروّه
يمغيّرن فعيوني أصل العلاقه " " تخيّلو عدو يعشق عدوّه
لازمتني بحلا الدلع والشفاقه " " وأدخلتني في حلم عمرك وجوّه
وحببتني في شي أسمه صداقه " " وكرّهتني في شي أسمه أخوّه
ولفتني باو الغنج ولف ناقه" " وأنا ولفتك ولف حاتم لضوّه
ولو نختلف بشيا الغضب والرواقه" " مانيب قايل ماتسوّيه سوّه
ركّز معي ؟ للريح طلاّااق ساقه " " وللشين شينن لانصا مايموّه
يعلم بئن حلم الكسول اللياقه" " ويعلم بئن حلم العقيم الأبوّه
ويعرف متى نضج الورق وأحتراقه" " خبير في الاحياء ماهوب توّه
ثورته لاجت تشعل ألفين طاقه " " ماهيب شبّة قاز في جمر دوّه
منتب غبي جدّاا بلفظ الرشاقه " " وأنا ذكي جدّاا وحبّيت أنوّه؟
لأنّك تنفّاس الحشا وأختناقه" " ياكل شبحي ياقصاه ودنوّه
روحك وقلبي لو بحلل وثاقه " " مربوطتن في بعض هيّّا وهوّه
فن غبت يانفر العقل وأشتياقه" " مانيب راغب بعد خوّتك خوّه
ببكي على زولن عشقته عشاقه " " وترى البكى للأقويا؟ زود قوّه
فن شفت أبن علوش يبكي فراقه؟ " " ترى أنحدارات الجبل من علوّه




[::: شوف فوق :::]
حي مني لاذكرته.؟ دريت أني بخير.
صاحبن لاشافني. ضقت منه..؟ ضمني

يشتعلبي. لين يطفى على العرق الاخير..
وأنتثرله شوق.. واليا أنتثرت..؟ أيلمني..

يا تندااي..؟ الخليه على طاقة حرير..
يامخوفني.. وقاطع رجاي .. وممني..

يا أمل. ياخيبته. يامتاهه. يامصير.
خل قلبك لاتراخى الزمان.. أيزمني.

مابي الدنيا..؟ أبيك أنت لانك انت؟ غير.
جيت فحضانك.. طفل.. وأنت أبوي وسمني..

شوف فوق..؟ وغن بسمي على اللحن القصير.
وخصني.؟ في كل لمحة غرااام وعمني...

بشعل الدنيا عبير وبطفيها عبير.
ولالالالالا بناشد من مدحني ولالالالا من ذمني..

جيت للدنيا كبير.. وبفاارقها كبير..
ومن زعل ماهمني..ومن رضى ماهمني..




[::: مدري :::]
تضيق نفسي لين يشره على قلبي فمي
وأنا أترجّا فمنيات الحلول المزمعه

لا يبن أبوي شلون . محتر وأطغي وأحتمي
والوقت لامنّه زما راس حضّي يقمعه

أن جيتها ف الاصدقا؟ أوووف ياوفرة دمي
كم واحدن خلاّ جميلي على راس أشمعه

مانيب متحسّف جعل مال جافيني سمي
لان أدري المحراب ماهوب مثل الصومعه

تتغثبر الدنيا ولحظة.. صفوّ الأدمي
اليا سجد الله وسقّت دموعه مدمعه

وأنا أدمعت عيني وما اكميه عاده منكمي
بين أنتضام عروق قلبي مسوّي معمعه

ياوجد حالي وأنكساري وغيبي وعدمي
وجود من جمّع حلاله وضاع اللي أجمعه

المشكله.؟ ماهيب نفسي وزلاّت قدمي
وماهيب بحّة صوت أحبّه ولاعاد أسمعه

المشكله؟ لاجات من بين دمّي والحمي
مدري من أخلّي ولا أدري من اوقّف معه




تــلـــقائي
ياجاهلي مايجهل الغيم الرعد
أجهل ووردانك .. على ساقيّتي

بكره .؟ نشوف اللي وقف واللي قعد
يامحيي أموات الجفا .. وياميّتي

أسمي مثبّت والاسامي ترتعد
والناس تحسب روحتي عن جيّتي

مهندمن بعيال فكري.. والجعد...؟
ماجعّد شماغي ولا طاقيّتي

وأن كانك أمغالطني ..؟ أنا مستعد.
وشرط أن حسانيهم .. توازي سيّتي

الاغلب ..؟ على أمتان تجربتي صعد
عرته .. سلوبي .. وأعتطا .. عاريّتي

مانيب أنا اللي كل ماعدّوّ يعد..
مانيب فالجيل .. وترى ماريّتي

أنّي ليامنّي وعدت أوفي الوعد
واللّه على طيبي ... مزيّن نيّتي

صغير سن .. وراس قوم .. ولالالالا بعد.؟
تفرق عن أقراني.؟ عظم ..iشخصيّتي

تلقائي .. وسيّد شعر .. وأسمي سعد
والله يخلّيني ....... لتلقائيّتي




[ ابسألك]
الله يعـزر فيـك و الله يقبـلـك
ان كان عرفك للضيـاع أقتادنـي

من يومني صغير اعشقك و أتأملك
حتى تفرعن بي غلاك و سادنـي

كبرت احبك بس صـرت اتخيلـك
غبـي تعلمنـي غـلا و اجادنـي

من أولا أشوفك و اعشق آدللـك
واحب خيط العـذر لامـن قادنـي

و الحين لامني و لهت و جيتلـك
قام أيتصيدني الحزن و أصطادني

فالشارع اللي هيبته هيبـة ملـك
اللي تهجـا خطوتـي و أعتادنـي

من تحت شباكـك وودي أسالـك
يغلا من أغليته غلاك أش فادنـي

لو أدري أن مستقبلـي مستقبلـك
ما كان نقصني الغياب و زادنـي

هنا و بس و لاتضايق و أزعلـك
بقفي فمـان غيابـك وماعادنـي

لا أقفيت عن عينك رجعت و قلتلك
تكفـا ليـا قفيـت عنـك نادنـي

من حشمتك لو اوصلك ما أوصلك
ياخي بثور من العذاب و هادنـي

احساسي أني ذنب فعيـون اهلـك
إحساسي بالإحسـاس ذا أبادنـي




[أحترقت أعصابي]
الا يا الله ياللـي تفتـح لدعـوا الدعـاه أبـواب
طلبتـك لا تضيقهـا علـي و تقـفـل أبـوابـي

أبـي ذكـر يجملنـي مـع الاقـراب و الاجنـاب
و لا تكسر شموخي في عيون أعداي و أصحابـي

لو انها تنحسب في ضربة المخلب و عض النـاب
انـا متغـدي بالوقـت مـن قـبـل أيتعشـابـي

أجابه حـض و لآحـزان و لآحـب و لا أحـزاب
عموما بستمـر اوقـف جبـل و يطيـح شذابـي

ثمان سنين و أنا اطمح و خمس سنين و انا أرتاب
ألين اقفو عليـه أهـل القفـا و أقفـا و قفابـي

و ضع قلبي على جمر الغيـاب و ذاب حتـي ذاب
وساح وساح وساح وساح وساح وطير أسرابـي

لماذا و الا ليه و كيف و الا شلـون عنـي غـاب
و أنا وجودي وجـوده فالبلـد و غيابـه غيابـي

احبه كثر ما قفـا عـن عيونـي بـدون أسبـاب
و كثر ما املاله أكـواب الغـلا و ينثـر اكوابـي

انا رجال مـا يؤمـن بقـول ان الزمـن غـلاب
يغلبونـي رجـال ولا الزمـان يصيـر غـلابـي

عليك الله و امان الله و ستـره يبيـض الجلبـاب
تـرى مابـي يبيـك و لا تزعلنـي علـى مابـي

تعبـت اعلقـك بيـن النجـوم و تطلـع الكـذاب
و تعتبت اوسع الخاطر معك و تضيق بـي ثيابـي

معاد آضني اتجمد على صدرك رضـا و أنسـاب
بعـد و لعتلـك سيقارتـي و احترقـت أعصابـي




[أحلى وسيله]
الرنج و الموبايـل و التتـن و الكـوت
و أنـا و عسـرات الليـال الطويـلـه

جينـاك و الدنيـا شهـاده و تـابـوت
و قبورنـا أنتـي و الهيـام الدليـلـه

مبطي و أنا معهم نخطط علـى المـوت
و الله جابـك و أنتـي احـلا و سيلـه

بتموت بك بالحس و السمع و الصـوت
يـا أم الكثيـر اللـي يكفـي قليـلـه

يقسا من الطعنات فـي حـرب جالـوت
و أرخي من ورود الريـاض الجميلـه

و يا أصدق من اللذة من أعصارة التوت
و يأكذب من الاعـذار عقـب الفشيلـه

و يصغر من الرزعله على لعب بيلـوت
و يا أكبر من أرشادات شيـخ القبيلـه

أنتـي خلاصـة خلـط لولوبيـا قـوت
و أنتي حكايـات ألـف ليلـه و ليلـه

و أنـا أفكـر دايـم شلـون بـامـوت
و الله جابـك و أنتـي احـلا وسيلـه

المصدر: منتديات أدمنتك ®


[إخذيني]
أخذيني اليـا عجبتـك بـس ردينـي
و أن ما عجبتك خلاص أخذيني ما بيني

مادامني شفت فيـك الطهـر و العفـه
باعيـف نفسـي ليامنـك كرهتـنـي

أخذيني لو اعتبر من ضمـن أشيائـك
و انــا بحـبـك ولا لازم تحبـنـي

لابي علاقه ولابـي نظـره و بسمـه
أحساسي اني بقربـك بـس يكفينـي

ولو ني انضفت لشيائك غصب عنـك
طلـي علـي يـا غناتـي لا تخلينـي

تراي لاجـا المصامـل مانـي بهيـن
تقـول كـن العـرب لعبـه بيديـنـي

شخصيتـي مـن غرابتهـا و طيبتهـا
كن الزمن في تحـدي بينـه و بينـي

أخذيني الشاعر اللي ما صـدق حظـه
لاقلت يا حـض وينـك قـال ياوينـي

أخذينـي المبـدع المتفلسـف التحفـه
مؤمن و تضحك على العالم شياطينـي

شهرة شكسبير و أفلاطـون وأنيوتـن
لا قلتلي بيت شعر تطيح مـن عينـي

أخذيني العنصري اللي صدق متعنصـر
من دون ربعي لـو أقطـع شرايينـي

أخذينـي اللـي ليامنـه طلـب يعطـا
و تكفيـن لامـن طلبتـك لا تردينـي

تكفين يـا غايتـي يـا بهجـة الدنيـا
أبحـرق قلـوب نـاس مـا تدانينـي

أخذينـي بكـل شـوق وقولـي أحبـه
و أن شككو فيـك وإلا فـي ضمينـي

قولي سعـد و الله انـه غالـي جـدا
و ياجعل فدوه شبابي و آخـر سنينـي

و انا بصـدق كلامـك و اعتنـز بالله
وباقول للنـاس مـا يعنيـك يعنينـي

و أنا على نذر ما أرخص جيتك
و أنتي نذر على أرقبتـك انـك مـا تخلينـي




[الأختناق]
الغلا بعضه تنفس وبعضه اختناق
والتنفس شرق وأنا تغرّبت وحدي

يا إله الكون رب السموات الطباق
يالوحيد اللي بيدّيك ضعفي وجهدي

يالله انقذني من النار واللحد الضياق
واغفر ذنوبي وفرّشني الورد الندي

واقسم لفمي من أرزاق جناتك مذاق
كاني حزت الرضا منك أببشر بسعدي

جزت عن دنياً بها اعداي كانوا لي رفاق
وتبت عن حلمٍ حدوده مساحة مرقدي

و متّ من فعل الجمايل براعين النفاق
وعن حد نفسي لها لو ما نيب محدي

العمر محسوب والجرح لا من فاق فاق
ما تغمّض به دكاتر وقرية مهتدي

أبشع أشياء الحياة الظليمة والفراق
والغباء والمعصية والبنا عم الردي

وأنت ياللي صغت حلم التواصل بالسباق
قلت لي هيّا وأنا جيت بالحلم اعدي

اعدي وانا مسوي خطأ فالإنطلاق
مبتدي من قبل لا سباق حلمك يبتدي

انفجر صدري وعدوي معك ما عاد لاق
وجيت مستسلم ولأنوار حلمك مقتدي

لين حلمك حطني بين قوسين احتراق
تحترق منا يدي وتحترق منا يدي

والله إن اكبر عيوب الرجل الإنزلاق
خصّ لا من صار دربك وحيش وسرمدي

أتعثر بس ما اسمع حكي شذاب ساق
كلمتي هي كلمتي ووعدي هو وعدي

يا زكي خلقه ما هيب إلك شهقات الغراق
الاجودي ما هو يسوي كذا فالاجودي

لا تحسب إني بجنّب عن اللي ما يطاق
والله إن صبري على خونة أيامي مدي

كل ما الأيام تصفقني فـ بعدك طراق
كل ما استذكي على الحزن وأصحى واهتدي

لأني أخطيت فـ وصالك وسببت انشقاق
ليت عقلي عند الأحلام ما طاع جسدي

الله يسامح خطا القلب يالصلب الرقاق
ليه يحيا فـ البسيطة ويحلم فـ الجدي

العفو والا الشكر كلها نفس السياق
إعرف إنك في عروقي مع الدم تغدي

لو كرات الدم ترّث غلا والا اشتياق
كان أبتنافس على حبك انا وولدي

أعشقك بس العذر منك ما يطلق وثاق
منته فـ مكة ليا أخطيت فيك أذبح فدي

لكن اذكرني ليا جاء اللحاق مع اللحاق
واعتصم هادي وعيّا على الدمع مهدي

اذكر إن غيمة عيوني ليا بان الزراق
وهبّ طاريّك تساقط على الخد بردي

والذي نفسي بيده إني أشعر بإختناق
كل ما هبّ الهواء شرق وأصبحت وحدي



[الأذكياء]
أن كنـت أنا أخطي شي طبيعي لان أنا ماني نبـي

محدن عصمه الله من الاخطــاء .. كون الانبيا
فعلا أنا أخطي بس ضوّي ماتشب الاّ أحطبي
أطمح ولولا الليل .. محدن شاف فايدة الضيـا
أمشي ولو أموت وأنا أمشي .. ولاكن مـاحبي
ولا أعشق الصوره . ولا الكربون . ولا أعشق غيا
كل ماتعثّر ؟ قلت في نفسي وأنا أمس شنبي
يـاكم على الدنيا فقير .. ويحسدونه أثـريـا
أبغا أتوحّد وأنت أخذ مزهبك وأترك مزهبي
كنّا أخويا ومن بعد مازلّليت ؟ ماحن بخويـا
أبعصم رجيـلي عن دروب السخافه ياصبي
لانّي حياوي والدروب السود .. مافيها .. حيا
تعال وادعني وداع الارض للحر الابي
أنا بعللّي .. وأن دعيتك ؟ فالعفو ... للأنقيا
ماني منادي بسمك . اللّي .. ماتسموااه أجنبي
فن قلتلك .. يا ؟ .. أعرف أنّي حاشمك لاقلت ..يا
يـا؟؟.. والله وبالله وبعد الله وبي وبسببي
صارت شياطين الحروف المستهيمه ..؟ . أتقيـا
فن شفتني متعب هجوسي في رسم راس الضبي؟
ماهو علاشان أكسب أعجابات .. ريمان .. وهيـا
لالا . أنا مخلوق مبدع . مايحب ومايبي
ألاّ يقول ؟ أن الاذكيـا؟ سبّة . رسوب الاغبيـا
من الذكاء؟ أنّك تسويّ نفسك أحيانن غبي
بس الغباء؟ أنّك تذيكالك .. على ناس أذكـيا

[اللإنسكاب]
بري حالي لاأنتهي العصر واعلـن الانسحـاب
وخلـت الشـمـس الـصـدارة ومـالـت للـغـروب

وأذن المـغـرب وســاد السـمـا مـثـل الضـبـاب
وانتـهـى واللـيـل لـبـس الامـاكـن لـبـس ثــوب

وردة همومـي علـى قلـبـي الصـلـب الـخـراب
وردة حيـام الضـوامـي عـلـى عــدت جــذوب

كـلـهــا هــانــت ولاهــنــت يــاهــم الـغــيــاب
مـن محبـة صاحـبـك صــرت يـاهـم محـبـوب

اخـذ ليلـك باولـه وأكـل وأشـرب فـي رحــاب
قـلـب مــن شـــدة طـهـارتـه تـجـفـاه الـذنــوب

ايـــه والـدنـيـا مـسـاكـن ورحـلــة واغـتــراب
والـغـلا فــي الـوقــت هـــذا مـمـيـز بالـعـيـوب

اشمل بجسمـي واعـدي علـى روس الهضـاب
وكـل ماضيعـت وجـهـي دريــت انــه جـنـوب

ويــش اســوي فـيـك يـاعـم تـلـعـات الـرقــاب
وانـت واقـع والتمـعـان فــي عيـونـك هــروب

أنت مجرم حب لاااا ويش جـاب لويـش جـاب
انـت عـذبٍ عــذّب رجيـلـي بـشـوك الــدروب

صرت أهاب من التزاحـم وانـا ماكنـت أهـاب
وامشي بكيفك لو انـي علـى المشـي مغصـوب

صـرت أجمـع مـن جروحـك وكلماتـك عتـاب
وقبـل اقـول شفيـك تجرحنـي أستغفـر واتــوب

صرت احسب لناس ماكنت أحسب لها حساب
وصرت أكذّب لجل ترضى وانا مانـى كـذوب

شـوف مهـمـا صــار بــي انحنـائـي انتـصـاب
الـعــب بـعـمـري وبـعـثـره بـيــدك يـالـلـعـوب

(أدري ان الـجـاذبـيــه تـســبــب الإنـســكــاب
وادري اني منسكب وادري ان يديـك كـوب) !

سلت فرضك وارتوت بي وفاضت بـي عـذاب
لـيـن حبـتـنـي قـلــوب وتـعــادت لـــي قـلــوب

فاعـرف ان زولـي غديـر وحكايـاهـم ســراب
والمقـاديـر الايـــادي وشـيــن الـحــظ طـــوب

يعـنـي الـيـا مــن رمـونـي حقيـريـن الـجـنـاب
صـار زولـي عشـرة ازوال وعيونـي قــروب

اتـعـدد لـجـل اداريــك عــن طـيــش الـشـبـاب
واتوحـد لـيـن يطـغـى عـلـى وجـهـي شـحـوب

مـانـي استـاهـل كــذا مـنـك يـاوبـل الـسـحـاب
لاتبلـلـنـي وانــــا ودي انــــك مــــا شــــروب

ايتـنـي وادخــل بقـلـبـي ياقـلـبـي بـــاب بـــاب
واخطر عروقـي برجليـك يااسمـر دوب دوب

جـــــل مـــــن عــروقـــي بـقـنـيـنـة تــــــراب
نـوب تضحـك مـن عذابـي وتبكـي منـه نــوب

لــو لـــي دعـــوة وحـيــدة وهـــي بتسـتـجـاب
قـلــت يـاربــي لـيــا مـــر خـالـفــه الـهـبــوب

زوي قلبـي كـل ماازويـت خصـرك بانسـيـاب
وقـف العـالـم يــرد البـحـر مــن كــل صــوب

يـاخـلاصـة شـهــد وعـــذوق مـالــذّ وطــــاب
يامغلـبـنـي وانـــا مـابـعـد صــــرت مـغـلــوب

يامسـفـرنـي لـوجـهـك ذهــــاب بــــلا إيــــاب
يـامــعــزز بـالــغــلا يـامــقــدر يـامـحـســوب

ايتـنـي واذهــب بــي بـعـيـد يـامــال الـذهــاب
وضمنـي بيديـك بجمـد علـى صــدرك واروب

أنـت .. لـو ضميـت تمـثـال مــن ضمـتـك ذاب
كيييف لـو ضميـت صـدرٍ علـى ذكـرك يـذوب



[الطايش]
الطايش اللي محتمينه ما ولووه
كل العيون اللـي تحبـه باعتـه


أوفي شهوده ساع ما بيع جحدوه
وأغلا شموعه يوم قفـا ماعتـه


يهل السخافه واللقافـه جنبـوه
خلوه يخطـي دامنـي شماعتـه


خلـوه يجمـد ويتبعثـر كلبـوه
ما دامني في حكمه وفي طاعتـه


لأنه خليط من التغاضي والنبـوه
ومواقفة تبنـي علـى قناعتـه


قاسي ولو تضايقه ما قـال أوه
وقساوتـه آخـر دلـع مياعتـه


مدلـع خلقـه وناسـه دلعـوه
والنفس ما تشبع به اليا جاعتـه


يغيب ويدري أن المعاليق فقدوه
ويرجع بصوت جعلني ما ناعتـه


فلابث رقمه شاشة الجوال أتـوه
وأقول يا ربي تبـارك ساعتـه


جوالي ليا منه دق وقـال ألـوه
تذوب أذانـي علـى سماعتـه


لبيه يا كلماتـه ولا فـض فـوه
أموت في ضحكتـه وأستمتاعـه


لا تنشدوني ليه أحبـه أمشـدوه
حبه محببني وسبـب وداعتـه


من كثر ما أحبه أحب أمه وأبوه
بالمختصـر أحبهـم جماعـتـه




[العبره]
الجهل بيني و بينك طايـح سـوره
من مر الأيام صارت عندنا خبـره

ما دام عينك من اللي صار مكسوره
أجمع شموخك و خفف حدة النبـره

لا شفت وجهك ليا غيرته الفـوره
أشوف قلبي ليا من مل من صبـره

يآخر مبالاة قلبـي و اول شعـوره
شفلي سنع في غلاك و شوفلي دبره

خليت نفسي مـن الايـام مقهـوره
و خليت حالي لمن لا يعتبر عبـره

غديت في دنيتك يمهـدي الفـوره
في روضة خريم مثل مضيع الأبـره

خلصت ما عاد أقاوم صدك وجـوره
القلب قرب يموت و غيبتـك قبـره

فراقك العـام تكفـا لا يجـي دوره
صرت احسبله و فكر فيه و أعتبره

ماني بناسي هذاك الطيش و غروره
يوم أنك أخلت ظن فيك وش كبـره

و أذاك ناسي تراها عندي الصوره
أقفيت تضحك و أنا غصتني العبره




[القريني]
فوح قلبي كل ما أصبح فوح دلـه
و يابري حالي و ياجرة و نينـي

وياوجودي كل ما خلـوى محلـه
و ياصدع راسي و عقدة حاجبيني

كل ما تقبل على و جهـي مملـه
آتشهد و أذكـر ان الله عوينـي

فياالله أنـك لا تواخذانـي بزلـه
و انك توفقني و تستـر كنينـي

كنية بيـن الضلـوع المستعلـه
لو أبزفرهـا تفاضـت مقتلينـي

ما رسم في خاطري عشرين عله
و بعثـر حكاياتـي الآ حاجتنـي

الرفيـق اليـا تـدانـا للمـذلـه
و الظنين اللي درو انـه ظنينـي

فيا رفيقي كل رجـل ولـه جبلـه
و انت من نسل الرجال الطيبيني

لاكن انك تهت في بحـر التولـه
وردو الحضـار علـم الغايبينـي

قالوا أنك ما خذ بزغـة الأهلـه
و فلسفة هتلر و حنكة موسلينـي

فسلم االله حـب قـراء المجلـه
حببوك فسرقة الحصن الحصينـي

بس عادي هي كذا بصمة الادلـه
بصمه وحده و لا هي بصمتينـي

مانـي بزعـلان مـن زلتـك لله
و ماني بضارب يساري مع يميني

كون من نـوا يضللنـي بضلـه
و ساقته ريح أحسداه و حاسديني

يا عيون اللـي زبونـه مرقبلـه
أشقر راعيـه فرحـان القرينـي

يالغوا يالطيش يالعكس المضلـه
يا مجردنـي كـذا يـا معترينـي

يا مخلي معقـدات الكيـف فلـه
ينشغالة فكري و حرفـة يدينـي

جعل من شطن بعمري مـا يدلـه
و يلعن اللي عن مواصلك يحديني

أيه أببعد و أترك الحال و لا بلـه
ينكشف ما كان ما بينك و بينـي

فلا تحسبنـي رخصتـك لا والله
أنـك مخاشـر غـلاي لوالديـن




[المنحدر]
ينوي النعاس لعين من يرغب بئيواء النعـاس
وأنا مجلوي كل نعسة عيـن مـن أنـي سـدر

العقل نعمـه لاكـن أحيانـا يسبـب أنتكـاس
يشوفـك أن العقـول الحيـن مـا قـل ونـدر

أنا أفكر كيف أزيـل المنحـدر مـن الأسـاس
والاغبيا لاهيـن فـي لـذة صعـود المنحـدر

تعبت لأني من هل الطولات صعبيـن المـراس
اللـي يحبـون الوفـا ولا يحـبـون الـغـدر

تعال يا أبن أخي الغلا يا هوه يا عالم يا نـاس
يا فكر أبن جدلان يـا تركيبتيـن مـن البـدر

يا معضله تمشي على رجلين يالعشر الحـواس
يا شاطب مـن ذكـرة تاريـخ الوجـه الـودر

يمطلع أهداف أجمل الغيد إلـى رميـة تمـاس
يمهدف بقلبي ثمان أهـداف مـن حـب وقـدر

تعال أخذني من يديـن اللهم ووجيـه العمـاس
شوف العرب ضيقة صدر ومشاهدك وسعة صدر





[الوداع]
أنت بتسافر حبيبي نعم سافـر و غيـب
بس تكفا سم الله علـى عقلـي لا مـاع

لان ماني قادر آوادعـك و انتـه قريـب
كيف و انت بعيد تبغاني أقـول الـوداع

بس لحظه قبل لا أنسى لا تنسي ياللبيـب
قل لما تملكه من مغريات و مـن متـاع

اني احبك و أحبك و أحبك ليـن أشيـب
يعني لين اموت و انـا احبـك للنخـاع

أحشمك و أغليلك بالحيل و الشي الغريب
أني اكره كـل فكـره تقـودك لنصيـاع

كان مال لمشكلة و صلنا الآحـل عيـب
كب حبيلك و سمـه متاهـات و خـداع

لأني اطهر من بيخسر على الدنيا حبيـب
ولأنك أنقا من وطت بطن رجله ظهر قاع

كثر ما يدعوني أهل الهوى ولا استجيب
كثر ما اسفط علـى بعـدك ذراع وذراع

آه لا وقفت من بين بتصيـب و تخيـب
بين يدين المواليـف و أفـواه السبـاع

و آه لامني ذكرت أن كـل لـه نصيـب
و آه لامني ذكرت أن على وجهك قنـاع

أشعر أنه منخلق من عسل ورد وحليـب
و أشعر أني كل ما أذكره مجموعة جياع

ليت مالك في حياتك خـوي و لا طليـب
كان باخشك وسط خافقي و أقـول ظـاع

أمحق الله سعوولف الهيام و قطع صيـب
من يبكي مقلتين الشجاع أبـن الشجـاع

لو على البحرين شرهه و دمعات و نحيب
كان ما خلتك تقفي عـن حـدود الرفـاع

ولو جنيف أتحس في جرحي المر العطيب
كان ماتاخذك منـي و تعطينـي ضيـاع


[الى متى]

الى متى يبقى كـذا وانتـه بتبقـي هاكـذاك
وألى متى وانـا اتعثـر فالوصـل وأحاولـه

وألى متى وأنا أمدحك بحروف شعري وآهجاك
وألى متى وأنا أرسمك على محيـط الطاولـه

ألى متى وأنا أتضموا من خطاك اليـا خطـاك
وألى متى وأقرب نهر تبخـل علـى جداولـه

وألى متى وألى متى وألى متـى وألآ متـاك
بتقهوي اللـي خـاوي لمواصلـك وتفاولـه

أموت فيك وما يكثر مـن غـلاك ألآ حلالـك
يا تحفة ما هيـب فيديـن البشـر متداولـه

سلهامة عيونك متاهة وادي وعضـة شفـاك
صفة قطـع سكـر تعضبهـا علـى فرولـة

الله يجيرك من صدوف الوقت وعيون الهلاك
والله يحفظك من سخافة الألسـن المتطاولـه

والله يخليك لخفوق عـاش بتنفـس هـواك
يمرر أسمك في عروقـه والضلـوع تناولـه

عيد بعيني جعل من ذمك مـن العالـم فـداك
وأعطف على من صكته بقعا فراقـك وآولـه

اللي ليا منه تذكر حلو وصلـك عـن جفـاك
بكى بدمعة مـن يكابـر والحـزن متحاولـه

[انكسار]
يا حض كوكب الأرض بين الكواكب
و يا ذبح مشرف فيك يا محلي الذبح

ليه أنشغل فحداث غيرك وواكب
و غيرك خسارة و انته مشاهدك ربح

كنك البحر و المغريات المراكب
و انا و غيري عندنا عقدة الشبح

ما غير نشبح فيك لا صرت ساكب
نشبح و لا جمع تواصيفك الشبح

لان الحرير اذا بيوت العناكب
يكبح جماحه بس ما فاده الكبح

عاتقك جمع غايبه بالمناكب
مثل الفجر لا جمع الليل بالصبح

و عودك يزفه للعذارى مواكب
كنه يبرهن جودة الزين للقبح




[تبسمي]
تبسمي يا أطهر معاكيـش و سـاع
يا من عليك مشاهد العيبـه حكـر

يا بنت حماى الزمل ذرب الطبـاع
الـي ليامـن زل عـلـم مانـكـر

وطي رموشك و أعلني لي الانصياع
في وقت الأنثى تسلب حقوق الذكر

نقل الحضارة من بقاع اليـا بقـاع
أحلا وسامـه ورث حولهـا جكـر

أم المتاهـات العظيمـه و الضيـاع
أستبسلت تصطـاد فالمـاي العكـر

ساقت سديستنـا و جتهـا بآتبـاع
بكر بكـر بكـر بكـر بكـر بكـر

الين صرنا بـس فضاضـة نـزاع
نفكر نعيـش و نمـوت بـلا فكـر

و اعظم خبر من بيننا دايم يشـاع
أبو بكـر أرث أصيـل أبـو بكـر

ياهيه ما يقوى السباع الآ السبـاع
السبع له مخلب ولا الثعلـب مكـر

موت الجبان يشابه لموت الشجـاع
الموت واحـد لكـن الفـارق ذكـر

و تبقي الوجيه اللي تحـلا بالقنـاع
و تبقين يانظرات شيهانـة و كـر

دايـم تنسينـي تفاصيـل الـوداع
ذاكرتي مجزن و نضراتـك سكـر

ودايم ليا سولفت خرتـي بستمـاع
و دايـم لـي المنـه ولله الشكـر




[جموح]
صرت أحسد الاغبيا وألهي لا شفت المهلي
واتهيمش من وجع صدري وكثر احزانـه

أتفيقـر بالمشاعـر و الا قلبـي مرهـي
مستعد آعشـق بيـت تستحـي جدرانـه

من غلا اللي يقتل زهوه مع أنـه يزهـي
من سحاه ومن فرط غيه وكثـر أحسانـه

ويش أسوي والحظوظ السود تامر وتنهي
وليه يحصلي كذا من بنقتـل مـن شانـه

كل ما طرقـت قلبـي للهوى المستسهـي
هبـت ريـاح الزمـان وصككـت بيبانـه

ما عشقت الآ طموح من جموحة يشهـي
وزود أيمانـي بضداتـه وقـو أيمـانـه

ما تمنى غيـر وصلـه بالحـلال المبهـي
وما حرمني منه ألآ عيـال عـم أخوانـه

أنقتل قلبـي بفكـري والنتيجـه وشهـي
طول الله عمـر تفكيـري وصـح لسانـه

بس يا قلبي لا تحزن والله وفـي وجهـي
مـا تعشـق الأ حـد مـا ورثـو جدانـه




[كرت زياره]
قال أبا أشوفك سكت شوي قلت أش زينه
موعد معك انت لا يمكـن علـى أنكـاره

بس لاحـظ أن قلبـي لوجفـوا غالينـه
ما جعلهـم عرضـة النقـاده الثرثـاره

قال انا أدري و الله يوقف معه و يعينـه
قلبلك اللي حط أعدائـه علـى أنصـاره

قال بكره قلـت بكـره غـد يـا تانينـه
كلها ساعات و يبـوح النهـار أسـراره

المهم أصبحت صبح ما أعـرف تكوينـه
صبح من ندرة عصافيره تصيده أحـراره

و آتقهوا قهوة اللـي مضحكتـه سنينـه
و آخذ أغراضي معي و آشغـل السيـاره

و اسرح وفي بالي أنه في حـدا دربينـه
يـا قبـل بيتـه بيتيـن أو علـى دواره

وليه ذا واقـف معنـز جسمـه بيدينـه
وقفة اللـي ربعـه أتحبـه ولا تختـاره

قلت ليه أنت أتشائـم و البنـادم طينـه
ينتصر لاحط ذكـر الله علـى أصـراره

قال أنا ماني بمتشائم لكـن يـا شبينـه
لا أبتدا عمرك بصدماته و موت أزهـاره

كنت أحسب أن الحياة الساره أو اللينـه
لين ماتت لينه و في يوم ماتـت سـاره

ضل يبكي و أنتهز صدري وجا من بينـه
لين حسيت أن كثـر الدمـع فـك أزراره

اعملت في عيني أنفاسه و كمعـة عينـه
مثل ما يعمـل بخـار الشـاي فالنظـاره

قمت أضمه و آحضن راسه ولاأدري وينه
لآني إعشقه بمفاجئتـه و فـي تكـراره

كان يـوم يعلـم الواحـد يوفـي دينـه
الفرح به قاطـع للحـزن كـرت زيـاره

يالله انك تقطع الوقت الـردي و أتهينـه
كانه أيبكي كباره مـن غيـاب صغـاره




[صبح الرشاش]
بغيت آضمك بصدري على صدري و معاد أمدا
و عفا الله عن محاني صدر صدري يامبارحها

ليا هبت عقب صبح الرشاش و كل غصن اندا
ذكرتك يـا ملقـي وجهـي البيـد وبوراحهـا

انا ما أقديت في فرقاك بس ان الزمـان أقـدا
حرمك تشوف بعيونـي مداويهـا و جارحهـا

لقيتك وهبة ما توهب و معـروف مـا يسـدا
و فقدتك حسبة ما كنـت جامعهـا و طارحهـا

اثور وكل ما اثور اذكر انا ويش و انـا أهـدا
و عظيمات الدول تكشف ثقافتهـا مسارحهـا

تبي تصدي الذهب لا مستحيل ان الذهب يصدا
بيبقي و أنت قلـب بيـن باكرهـا و بارحهـا

تعبت اعلمك به شـي لـو تفـداه مـا يفـدا
ثلاث حروف عايدها على سمعك و شارحهـا

ثلاثين ألف مـره قلتلـك لا تمشـي الجـردا
مهي كل القلـوب اللـي تسارحهـا تمارحهـا

قسم بالله لومالـي مـع اهـل الطيبـه مبـدا
لا أنزل نفسي لبقحين خلـق الله و أصارحهـا

لاكني لا انتهي صبح الرشاش و كل غصن اندا
دريت أني كفـو لمقابـل البيـد و بوراحهـا




[لا خلا ولا عدم]
ردني لك موتتي في غيابـك موتتيـن
يا محول ضيقتي من وجود اليـا عـدم

لا تخلينـي مابيـن الثلاثـه و الثنيـن
البكا و السخط فيك و شعـوري بالنـدم

ضقت ذرعا يا لله انك تزينهـا تزيـن
من عيون الا مبـالاه و أيديـن الـردم

و الله ان أجرحك بقلبي كبير و له حنين
كبر ملك الامبراطـور فعيـون الخـدم

الله أكبر يا و ليفي بعدما كنـت وايـن
صار مالي في حياتك و لا موطئ قـدم

ردني لك لا خلاص انت رح و الله يعين
من علاشانك يفض الجموع و يحتـدم

خلني لي واوعدك في مقابيـل السنيـن
ما تمني صعب ولا اعشق و لا أنصـدم

انت ما قصرت يا الغالي و عذرك سمين
و طول الله عمرك و لا خلا و لا عـدم



[وريدي]
ياللي غرامك جاريٍ في وريدي
لا .. وش غرامك جاريٍ في وريدي

استغفر الله لو بقول ان غرامك
ما باقي إلا يطبع اسمك على ايدي

لأنك بصدري و أنت منته بصدري
تطلع مع أنفاسي و ترجع يا سيدي

اليا طلعت أحس كني أشوفك
و آنقص أنفاسي ذكا .. يا ضديدي

أخاف لا تطلع و لا عاد ترجع
و اشفق على شوفتك و اقول زيدي

فهل علمت عن جنوني يا آنف
اني لمجنون النشاز المجيدي

لبيك يا سلكا حملت الفضائل
أوعز لصاحبك بتحرير قيدي

يعني بحكينا .. لبى و الله عروقك
متى تعيد في عيوني يا عيدي

ثقفني بوصلك مثل ما تثقف
شعار جيلي من ثقافة قصيدي

لو ضلع عيني حس موطى وصالك
لا طاح حيده و لا طاح حيدي

تخيل اني من كثر ما اتخيل
اتخيلك تدعي و احسب انك ميدي

يا خي ترى جننتني بالمفارق
جننتني و انا بعدني يا جيدي

لكن مع الله كل بلوى بخيره
أنا ذكاي من التجارب رصيدي

اذكرني اليا من سمعت بغرابه
اليا سرى فعروق مخك جديدي

و أنا بعد لا من ذكرتك يا غالي
باسجد لوجه الله و باقبل ايدي




[مرتبة الشرف]
تضيق بي الدنيا بكبرها من عابيـس الوجيـه
و هاذاك لامنه تبتسـم شفـت للدنيـا طـرف

مني و اليي احببته و هو حبنـي منـه و أليـه
من غير لا أنا أعترف ومن غير لا هو يعترف

لبه آتحاكـا و كلبـوي يعـرف غايـة كلبيـه
اليا فرح و افرح و دمعـه لاذرف دمعـي ذرف

اغليه يعني اعشقه اعشقه يعنـي امـوت فيـه
يعني أنا ميت معا عشقـه و مرتبـة الشـرف

ميت و يعشق و السبب ما فيه داعي ان آحكيه
الغيـد فالدنيـا هـواه وهـو لحالـه محتـرف

الشامخ اللي لا أقبل و حضن يديني فـي يديـه
تراعدت فرايصـه بالغنـج و أتساقـط تـرف

امشي معه من غير لا اين و لا كيـف و ليـه
من حيث ما يجرفني آغمض عيوني و أنجـرف

ان قال لا أقول لا ان قـال أيـه اوقـول أيـه
ما عرف مسمع ما أرى ما أرى مسمع ما عرف

اللي اعرفة انـي أبيـه أيتجمـل بـي و أبيـه
و كان العدل في صدته سجلني اكبـر منحـرف

يغفرلـي الله و الله يديمـه و يرحـم و لديـه
علمني ان البعد نكسه حـال و الصـده قـرف




[المطر]
ليلة البارح لذيذه مع أن فيها اختلاف
و لذها لذة وصول النطر للي نطر

جيت امن من كمالي و لا عندي خلاف
و جايبرهن ان وجود الأمان من الخطر

يا مجره من أحاسيس و شعور و عفاف
يا كواكب من عسيلات وزهور و عطر

اغنني عن تفه الناس يا اعظم اكتشاف
و سيد عروقي بلا ماك يا سيد قطر

من عرفتك صرت احاتي و أفكر بك و اخاف
وصرت أدون شطر و أشطب ثلاثمية شطر

يالمطر يالنصف الآخر و ياخرة المطاف
انزل من اخر سطر فالسما و طلع سطر

الطلوع من النزول أكده علم الجفاف
يعني أنا اطلع ليا صرت تنزل يالمطرراشد اللقماني




[الرجاله]
عاذرك لا ضقت يا قلب الخطا و الهاله
أسجد بعوج المحاني و أدع ربك وأرجه

حالتك من حيلتك يرثا لها من حاله
كل منها سقتها مصلوبه و منعرجه

فاقد لك واحد يسوى العرب بلحاله
لبا و الله عيونه الجرايه المنحرجه

أشهد أن الا تقال لغيره و ألا له
مترف في بيد قلبي قاطع له فرجه

غايب قدله ليالي و انقطع جواله
من يعوض ضحكته و لايعوض هرجه

الخيار التحفه الرعبوبه الرجاله
الدماث البعثره الكبرياء المرجه

أول جروحي فباله يوم جيت فباله
و آخر جروحه بقلبي زاويه منفرجه


[مابيننا فرق]
الله خلق عبده عشان العباده
ما هو عشان مفاخر العرق بالعرق

صح أن فالدنيا عبيد و ساده
لاكن عند الله ما بينهم فرق

خللك بسيط الكبر ما هو بعاده
لا تسرقك دنياك عن خلقتك سرق

خلك صبور وخل عندك اراده
ولا صرت راعي ضو اصبر على الحرق

لولا الصبر و المعرفة و الركاده
ما تجرح العشاق ترنيمة الورق

و اذا بتسيد فالمراجل سياده
خل المراجل باب و سيادتك طرق

خلك ذكي و أخذ الامور بهواده
و لا صدت و ثق لا تجيب صيدتك زرق

و اليا عشقت أعشق من الحور غاده
حورية في بحرها يحيي الغرق

ان زعلت زانت بعينك زياده
و ان ضحكت كنها تنافس مع البرق

و أذا تدور فالحياة السعادة
أسجد لربك سيد الغرب و الشرق




[رح للقمر]
صار الزمان أشكال و حروف و أنقاط
صوره و أسم والناس تنفي و تنقا

كنها على ظهر الشيم تضرب سياط
يا سين يالشيمه و يا مل فرقا

كل شي يهون و ينسى كون الاحباط
الاحباط لو يروح ذكراه تبقا

لا صرت صح ووقتك اغلاط بغلاط
ليه اتعذبه و تتعب و تشقا

رح القمر و أفرش على سطحه بساط
و خل الحثال ان كان به خير يرقا

و أختار من تعشق و تغليه بفراط
اللي علا شانه ثرا الارض يسقا

راعي الجروح اللي بتموز و أشباط
اللي لكل الزين مجمع و ملقا




[الطريق]
قال أبقفي قلت شف ذاك الطريق
امش في منحاه والا مفرقه

و الطريق اللي بلا خل ورفيق
ما يوسع خاطر اللي يطرقه

منته ملاقي مثل صدقي صديق
في مغيب الكون و الا مشرقه

رح جعل من لاق فعيونك يليق
و سوبه مثلي وحبه و اسرقه

و خل من حبك بتوديعك غريق
و لا نجا حرة فراقك تغرقه

خله اليا من ذكر وجهك يضيق
و لانساه يون و يصب عرقه

سمه الناسي و سمه بالعتيق
و شب قلبه بالرسايل و أحرقه

خل عينه لا قرت خطك تريق
عذبه و أذبح طموحه بورقه

وخله الواقف على ذاك الطريق
ميت من البرد و يصب عرفه




[قطعة حلوى]
يا مجميع المسافات العذاب
يا حلال العين يا حرم اليدين

يا نقيض السعد عقب الاكتئاب
يا نقيض الحزن عقب الضحكتين

يا سؤال من قبل يسئل يجاب
يعكس سلوم الردود بجيم سين

يا أدب يا خلق يا قتنة شباب
يا معونة راعي العون المعين

ذكريني بالملاقا والغياب
أنما الذكرى تفيد المؤمنين

وأقبلي واقفي وقولي للهضاب
أنك أطهر خد لا أطهر جبين

وعلمي شهاية حروف الكتاب
أنها بين المغفل والفطين

فارع تعشق حروف الاغتراب
لا فكر لا خلق لا دنيا لا دين

تقفل الفطره وتفتح الف باب
للمضل وللخفيف وللرزين

تلقح النزوه وتحمل بالسراب
والغباء وقلة الذوق الجنين

علميها وين يهوي الانتساب
للحسان أو للحسن أو للحسين

وعلميها تذل لله وتهاب
قاطع الشكات بايآت اليقين

وعلميها أني على حد السحاب
ويوم قلتيلي سألتك هي وين

قلتي أنتي بسخرية فوق التراب
قلت أنا وأنا أتبسم جملتين

قطعة الحلوى تحبذ للذباب
ما تحبذ عند ضرغام العرين




[قلاده وخاتم]
ودي ولا ودي وودي وودي
ما تمت البسمات بس البكا تم

الحفلة اللي نصفها نسل جدي
كنها على جرحي تعزم وتعاتم

ذبحلها جفني مسامات خذي
أزوالها ضيفان والدمع حاتم

أصد بدموعي وأكابر بقدي
ما ودي انطلق على البعد شاتم

وشاحك الأبيض بعيني يبدي
الخوف والرهبه وحزن المياتم

أنتي توفقتي بشوف المقذي
وأنا توفقت بسواليف شاتم

أنا أعترف أني خسرت التحدي
ما أبكي وبكتني قلاده وخام




[حدث في مثل هذا اليوم]
يامسهر النايم ومحضض النوم
الله يكافيك الليال وسهرها

علمتني كيف أنعس شوي وأقوم
وآنسق كبار الجمل واختصرها

الله يا لك عندي علوم وعلوم
ومن شانك تعبرني بتعتبرها

البارحة ضاقت على وجة الروم
وما باقي الا وجهتين أخبرها

ويممت لك وجهي وأنا أغتاض وآشوم
من سكة تخفا على اللي سبرها

ما جيتك لك اضحك محزن ومهموم
فكره طرتلي فيك قلت افتكرها

حبت أمهد فيك سخطي على التوم
اللي تعزز لي وأنا محتقرها

يا قوم يا عيبات الاقوام يا قوم
اللي مع العيبات تنشر صورها

الناس ذي في كوم والعرف في كوم
والله مصغرها على من قهرها

يقرب من الآخر ويا محمل اللوم
تضيق بك الأنفس ويطغا بحرها

أن كانها بحقوق وعهود وسلوم
صدقني أن حجتك ذي بتخسرها

اليا صغرت عينك فلاني بملزوم
أرفع حواجبها وكبر صغرها

نجوم تطلع فوق وتحدر نجوم
وأنته كذا لا فوقها ولا حدرها

خلك كذا وضعك حلو وانت ملموم
لا تخسر الهيه ولا تنتصرها

ما مجد التاريخ أشباه ورخوم
الابطال تفنا بس يبقى ذكرها

الله يمدد في وآعيش وآدوم
وأبصم على وجه الليالي ونحرها

فن ما طلعت فحدث في مثل ذا اليوم
ولا بلاش من الحياه بكبرها




[القافله]
لبيك ياللي خطوتك تغزل مسافات العبير
بالمسك و الكبر المزخوف و السطور الحافلة

لبيك لا وريتني وش عقبة الموت الأخير
في ليلة تدمح خطاها ركعتين النافله

لانك تعرف أني ليا اشتبشرت أستبشر بخير
لكنك تجهل يتم و قتك و اليدين الكافله

تصدق أن الوقت هذا غير و أن الناس غير
و اتصدق أن ما عاد باقي شي حتى تخاف له

شوف الأسد يمشي على راي المهاه ولا يشير
و المشكلة لا هوب مستغرب ولاهي جافله

و أتصدق أن أغلب رعاة الحرف خوآنه ضمير
شفت الأدب هذا يبيعونه لنظرة سافلة

و اتصدق ان حمل البعير تبعزقه دودة حرير
و اتصدق ان الوقت ذا غافل و ناسه غافله

من أولا تنبح كلاب و قافلة الاحمل تسير
و اليوم لا تنبح كلاب و لاتسير القافله




[الحوت الراقده]
أسجد لوجهك يربي يا مزيل الهموم
يا كافل العبد من قدهو ألا لاقده

ياللي تشع بجلالك موضيات النجوم
و ياللي تسبحك الحوته و هي راقده

يا رب أجرني من النار و لهيب السموم
و من معضلات الزمن و العالم الحاقده

و من حاجة ما تهون الابمنه و لوم
ومن نقدة اللي لو أخطا ماني بناقده

ومن زلة ماتحملها و ساع السلوم
و من كلمة لفتعالات الغضب واقده

ومن شرهة الطيبين و سخريات الرخوم
و من رفقة اللي لو أقفا ماني بفاقده

يار ب أجرني يربي يا غفور و رحوم
يا كافل سعد من قدهو ألا لاقده




[الدرهم]
ياطول صبري وياهمي ويا شيـبي
من مبهم شفته بعيني وهو مبهم

يطلبني أحظا وهو بالحظ يدربي
اليا تباشرتها وضحا تجي مجهم

وش عاد لو ما تلفت في مناديبي
منته بكيف الخوا ولا انت بالملهم

رفقة هاذي تعلميني عذاريبي
أرهم الصادقة فيها ولا ترهم

من كبر حظك ومن فعلي ومن طيبي
أسرى علاشان كسب الطايلة وأجهم

وش عاد أسويبك الا ويش أسويبي
تضاربت في عيوني بورصة الاسهم

الناس تقبلبي بعينك وتقفيبي
وموقف بس لا تفزع ولا تزهم

حتيش والدون لو حشو عراقيبي
وما فيه طيب بكسب الطيبه يتهم

وكان الرجا في رضا شيخ المعازيبي
ماني بمدلج على وصله ولا مدرهم

قلة يليت أيتعلم من أساليبي
مفهمه لاكن أنه ما يبي يفهم

فعيون وضنون خوانه الاصاحيبي
وأذا معك درهم أنت تساوي الدرهم




[الكوكب]
يا حض كوكب الأرض بين الكواكب
و يا ذبح مشرف فيك يا محلي الذبح

ليه أنشغل فحداث غيرك وواكب
و غيرك خسارة و انته مشاهدك ربح

كنك البحر و المغريات المراكب
و انا و غيري عندنا عقدة الشبح

ما غير نشبح فيك لا صرت ساكب
نشبح و لا جمع تواصيفك الشبح

لان الحرير اذا بيوت العناكب
يكبح جماحه بس ما فاده الكبح

عاتقك جمع غايبه بالمناكب
مثل الفجر لا جمع الليل بالصبح

و عودك يزفه للعذارى مواكب
كنه يبرهن جودة الزين للقبح




[الطرقات]

في الكبد ليعاتها وفي النفس حاجات
حاجات ماهيب رغبات وشهـوات

ندم على حزن على مدري شسمه
اللـي يكلمـك وتكلمـه بسـكـات

ياودي اصرخ من اللي داخلي حيل
وياودي ماتنبس من الليعـه شفـات

مزحوم تفكير ومشـوش وبـردان
وياخوفي من الغضب والانفعـالات

تعـارك الشـر والخيـر فيـنـي
يأثـر علـى اتخـاذي للـقـرارت

ثاقب وألاحظ تفاصيـل التفاصيـل
كن البشر عري وعيونـي مرايـات

أفضال ربي علي واجـد وأفضـل
أفضال ربي علي الفقر وأنكارة الذات

يامجمل الفقـر وأشيـاءه وروحـه
تموت منه تعب وتعيشـه ازمـات

يعلمـك ضعفـك وبـأن عقـلـك
هو اللـي يميـزك عـن الحشـرات

وتعرف بأن هذا لـك وذا لغيـرك
ولاتفكّر ولاتكسّر حسابات

الفقر مفيد ..وأشياءه مفيده
مليء قناعه وقوه وغايات

يمكن لو إنك غني تطغا وتنسى
وأتطيش وتطوّف الخمس صلوات

لذلك الحمد لله والثنى له
على الفقر والمصايب والمسرات

يمكن أني فقير بس مانيب تبعّي
أجلس ولا أنقاد خلف الإتجاهات

وإن ما أعجبتني قناعات الزمن هذا
أنا.. أألف لتفكيري قناعات

شاعر ويسكن فـ مخي ألف شاعر
ماهم بشعّار هالوقت التروفات

اللي يقولون مافي الشعر نادر
وإن الشعراء نفس المستويات

لو أنهم واحد وبتفكير واحد
ماشفت ناقد ولا معجب وشمات

الله على هالكلام ومن يقوله
والله يقطع سياسة هالمجلات

يعني اللي شعره ملى الدنيا جماهير
مثل اللي يطلق قصيده سردة أبيات

لامن سمعت القصيده قلت هذي؟
سمعتها قبل هذي عشر مرات!!

يشل.. آخر كلام الشطر الأول
ويحطه بآخر الثاني .. وخذ هات

قاف متكرر.. ولافكره ولاشي
يبني القصيده.. على تفكير بنات

وبه نوع ساذج علشان أيتميّـز
يصرخ ويعمل بيدّينه حركات

والمرء عود مايجهل.. لذلك
هالشعراء يكرهوني -أنا- بالذات

الله يخليني لشعري وأصونه
وأحرق به كبود شعّار المسجات

أجذبّ به.. أذواق حكّام الجزيرة
وأزرعه.. فعقول فتيان وفتيات

اركبّه جن.. وامارسه بجنون
وأشبعه فلسفات وأبتكارات

وآعلم الجيل هذا وإللي بعده
جودة الإطاله.. وفن الإختصارات

و وشلون أحرث صخر فكري وأخلّي
بيني وبين أقرب منافس مسافات

الشعر في نظرة اغلبهم مصالح
فلوس وشيوخ وبنات ولقاءات

وفي نظرتي الشعر روحٍ و روح حرّه
ماتخضع لشف.. وأشخاص.. وقياسات

الشعرٌ ماتقشعرُ له الأبدانٌ
ومَا يسَرقُ من الكلمات.. الكلمَات

تقراه فـ عيون شاعره وتحسه
يفتح له فَجلد يدّينك مسامات

ردد قصيدي ياجمهوري وصفق
وعلمّهم إن الغلا ماهو خيارات

تعال نسرح سوّى في شي عندي
وأخاف لا أبكي؟ وتبكيني العبارات

حزين جداً ومتعومس وخايف
أحس كنّي على مهوّي نهايات

حبيبتي .. إللي أغليها وأبيها؟
راحت.. وقالت بجّي وللحين ماجات

ما أذكر أني.. مسوي شي لكن
الحب لا زاد.. يسبب حزازات

والصبر صبر القلوب البيض وأدري
يامصعب الصبر لا قدّ به محاتات

دمّرني الشوق وإستنرفني شعور
وتعبت أثبت وجودي داخل شتات

تمر كل الوجيه.. بدرب عيني
نفس الملامح؟.. ونفس الإبتسامات

حبيبتي طاغيه وبشكل طاغي
صديقة الليل واجناب البنايات

من وين ما أفتر لاهذا وجهها
على الطرقات وأضواء السيارات

يابرّي حالي عليها برّي حالي
عليها يابرّي حالي عشر بريات

لأني أحبها.. فعلاً وجداً
ماهي محبة.. رفث.. ولا إتصالات

أحس كني أبوها أو أخوها
أدرى عليها من العالم مدارات

وإللي سواتي.. يحب وخايف الله
يعرف.. معنى معاناة المعانات

الحزن في بعض الأحيّان إزدواجي
وجميل.. إذا صار من تجنيب غلطات

من خّلا حاجه لربي عاضه أخيّر
منها واحسن دبلات الدبلات

وانا مابي .. غيرها .. ولا ألتفت له
السيده .. لا رجعنا للسيادات

جعل أمها إتوافق إن جيت أخطبها
تكفون دعواتكم يـ أهل الدعوات




[الجرح]
الجرح ماهو خاطر شوي ويروق
الجرح حتى لو تشافى يعللك
**
واذاك متحمس متاهات وطروق
انا تعبت اشد حيلي واحاولك

سماي ما شيّ شمس ورعود وبروق
والريح ماهبت ولايجري الفلك
**
والقلب ناشف بحر وشقوقه شقوق
وشلون بيكوّن سحاب ويبللك
**
يا ضامي انا الضما ومتشبع حروق
واذاك ضامي للمواصل .. انا هلك!!
**
هلك ووقف في وجهي الاصل والذوق
والمجتمع والعرف والفقر واهلك
**
متعومس وحزن النبلاء مرموق
يعني لو احتاج الك ماجيتك اسألك
**
اللي علي اشكي واعاتبك برفوق
واقولك ودي ماعاد اتأملك
**
من دورة الايام ياخوك مخنوق
الوقت مشاني من السلك لسلك
**
ازل خطوه .. بس ما ازل منطوق
ولو صارت ابحب خشمك واجاملك
**
يبقى البني ادم مجرد ومخلوق
ملك ولكن في الحقيقه بلا ملك
**
كذاب.. قايل كل مطرود ملحوق
سنيييين وانا اطردك وازريت لا اوصلك
**
كنك تطيش وكني ادور في طوق
كل ما وصلت اخرك يطلعلي اولك
**
ليت مافي خاطري شوق وحروق
ماكان حسيت ان انا بس منك والك
**
الشوق ماهو رعشه وقبضة عروق
وماهو اللي من شينك فعينك يجملك
**
وماهو شعور ياخالق الروح برفوق
وماهو سحر ولا ادري والله شقول الك
**
انا سحابة حلم وتطير بك فوق
وتطير ولا ودك انها تنزلك
**
الشوق هذا .. والا انا شوقي البوق
ماقد حصل في شوق هذي ولا تلك
**
تدري وش اسوي ليا اضناني الشوق
اسوي بعيوني كذا واتخيلك
**
واقربك واتوق واتوق واتوق
واكثرك واحلف ماعاد اقللك
**
واصورك في الموق وتكبر على الموق
وتطيح مع دمعي على ايدي واقبلك
**
هذا غلاي اللي مع الدم مدقوق
ولا عاد تسأل عن شعوري وازعلك
**
محبة ماهيب من طارف السوق
لو انك توكل.. كان والله لاكلك
**
جيتك حقوق ورحت ماعندي حقوق
وان قلت ما احبك ابجحد مواصلك
**
احبك .. الا يا بري حالي وعوق
من كثر ما احبك اخاف اني اقتلك




[مها]
اخر حركات التدلع والغنا
اللي اسمها(مها)وفي الدلع(مهاو)
فرفوره تسلف الشمس السنا
مغويه ويطرد وراها كل غاو
ان وقفت كل شي ماتباعد دنا
وكل شي متلخبط مع الوقفه تساو
واليا مشت؟قال النمل:الله لنا
تقاو ياجوعي على صبري تقاو
ذروة ترف..ذروه غنج..ذروه هنا
جمالها مايستوعب وماينتقاو
في جنبها:نوره,وعبير,ومنى
شباب...وعند البل وكشختهم فراو
مخلوق لامنه انثنى يعني انثنى
كل الزوايا تستقيم اليا تزاو
يابوي شي لايوصف ولا ينجنا
يسبب لك جروح لايمكن تداو

مثال:لاجاعت وطال بها العنا
كل الحلاو اللي على هالارض جاو
هي جايعه؟؟!يارب تاكلني انا!!
هذي سواليف الحلاو...مع الحلاو
واليا كلت اطرف حلاوه من هنا
كل الحلاو يشوفها ويقول((وااو))!!!




[بإنتظارك]
كل حاجه يانبيله فـــ نتظارك
الوطن والناس وآ نا فــ نتظارك
والطريق العام والباب الرئيسي .. والممر وقبضه السلم ..
ودارك ....؟
كل أبونا .. يانبيله فـــ نتظارك .......
&&&
لو تشوفيني شلون أ مشي ويديني فــ جيبي
وأنا... وأحزاني وطيبي ... كان ماخذيتي قرارك
كان مارحتي ولاقلتي تري .. منت بحبـــيبي
يـاخســارة قلبي المظلومـ ولا... ياإنتـصـاركـ
&&&
رحتي وخذتي معاك ابسط تفاصيل الحياة
يامزعلة البنات ...
سحقاً لكل البنات
انا ميت فيك ... ايش ميت فيك ؟
انتي فيك حتي الموت .... مات ...
ياجنونك ... ياأ نتشارك
&&&
مري فـ شارعك الاول يالغلا الاول وطوفي
بس شوفي ..
من وقف علي عيونه فــ نتظارك
من بعد ماخنتي وخانو كثير احباب يوفي
هـــم هـــم ...
رابطة جمهورك المتعصب لــ طلة نهارك
انا .. وطيور القفص..والباب .. واشجارك.. وجارك
انتي ام الحسن وام العاطفه واحنا صغارك
فــ لاتلومينا ليامنا وقفنا فــ انتظارك....
&&&
اطغي اطغي . . خلي الغابات تتسلف خضارك
بس تترك اصفرارك ..
لــ ابتسامات المجامل ولــ وقارك
واتركي لعشاقك الموتى حمارك
او بالاحرى ... احمرارك
&&&
لاتلومينا مجانينك نحبك طغيتي
لازعلتي .. لاحكيتي .. ولامشيتي
انتي مسكينه ومظلومه ومعذوره ليامنك نسيتي
لانك انتي اللي فقط...
ماشفتي نفسك لاحكيتي
ولانك انتي الي فقط
ماشفتي نفسك لامشيتي
&&&
يادمــارك
ياوقوف العالم الثالث علي شرفة زرارك
مـــادريــتي ؟
طيب ادري يانبيله كانك الياالحين فعلاً مادريتي ؟
انتي اكبر مشكله تواجه الشعب الكويتي
&&&
انتي مثل الظلم والا جــحــاف بس انتي لئيمه
هم طبيعتهم عدائيين بس انتي رحيمه
مابدر منك منك جريمه
انتي بالفطره بدون سلاح ومقاتل جريمه
وانا بالفطره بدون سلاح احبــــك ياعظيمه ...
بذبوللك وازدهـــارك ... وانصهارك
***
يانبيله انا حالياً ترى ماني سعيد
ماعرف للعيد يوم
وماعرف لليوم ...عيد
غايب وروحي جوارك
انقذيني كل ماوزني نقص حبك يزيد
انقذيني صرت اكلم نفسي ونفسي تعيد
كنا اول فــ نتظارك انا .. وطيور والقفص .. والباب ..واشجارك.. وجارك
كلهم راحو وملوا.. كلهم راحوا وخلوني لحالي فــ نتظارك
انا حاليا وحيد ...
انا حاليا معيد ..
لامزيد.. ولاجديد
الااني اسولف مع الاخ انتظارك
عند دارك ..
علي كرسي انتظارك..

فــ انتظااااااااارك



[الأشجار]
تهب الريح ولا ماتهب الريح يا الاشجار ..انا لازلت اشوفك اثمن الاشياء وأعلاها
لأنك تفرزين الأكسجين الصرف والاثمار ..وحنا نحول افرازك ..خبائث ونتحاشاها
يكبر الفرق من قاع الجحود لقمة الايثار ..ويكثر اشياء نعرفها ولا ندري شمعناها
كليناك ولبسناك وجلسناك وشعلنا النار .. " يفضحي " كم خذينا عمرها ولا شكرناها :")
انا آسف عن الحطاب والحمّال والنجار ..انا آسف على كل الخطايا اللي خطيناها
تأسفت بلسان الشاعر اللي ممتلي ازهار ..يقيس الكائنات بفعلها ماهو ب أسماها
خلقنا الله نكمّل بعضنا فالكون والصرصار ..اكيد ان له فوائد بس حنا ماعرفناها
يجوز انه مفيد اكثر من الثرثار والغدّار ..ومن كم النساء اللي تفاخرها ..ب أعضاها
يبن آدم علاما الفخر والتكبير والاكبار ..ترى اجدادك تحت هالارض هذي اللي انت توطاها
يجي يوم وتكون غبار او احجار او اسوار ..قبل ربي يحشر الناس ويطلّع خفاياها
ويجي يوم اتمنى تكون غصن فعالم الاشجار ..ويجي يوم اتمنى تكونها قبل اتمنّاها



[عصفور]
لأنه عصا .. وفر سمـوه عصفـور
وياكثر عصفـارة كبـار الاسامـي
كل ماتضيق عقول تستاسع صـدور
سنة مـن سنيـن الزمـان الهلامـي
ولا ازداد سعر النفط نتزايـد فجـور
سنة مـن سنيـن الزمـان الهلامـي
ودايم وراعي الحق مهجـا ومحـذور
سنة مـن سنيـن الزمـان الهلامـي
وبيقاله بكره تـرى منـت مجبـور
وباقول للي قالهـا : يـا عظامـي..
الصبـح لو مـا يدحـر الليـل بالنـور
تعيـش عمـرك كلبـوه فظـلامـي
سجل ياتاريخ الشعر أصدق سطـور
أنـا سعـد علـوش والمجـد زامـي
اعيش عيشة فقـر وآمـوت مقبـور
ولا احنـي راسـي وأغيـر كلامـي
شاعر وأقود جيال وأعطـش بحـور
عصامي وشعري سواتـي عصامـي
ماكدبـه علـى نساويـن وبــزور
احفظ مقامه مثل مـا احفـظ مقامـي
ومن قبل حتى اكون شاعر ومخبـور
لي رايـي المطلـق ولـي أهتمامـي
واضح وأمثل خيرة النـاس واثـور
لامـن سمعـت أن التغافـل تسامـي
فـيارب لا تجعلني أسكت على زور
واجعل حسناتي مقاصيـص آثامـي
ولا تفرشنـي علـى كبـد ممـرور
ولا تعرضبـي لـسـان انتقـامـي
لان الحقيقه سـم واظهارهـا جـور
علـى القلـول ام الجهـل والتعامـي
وانا حقيقي فكـر وشعـور وظهـور
ومانيب أجـر كشرتـي وابتسامـي
فـباقولها وبيصير هالقـول مأثـور
مع عـدم شكـري وبالـغ سلامـي
المجتمع غالبـه رجعـي ومغـرور
وفارغ من الدخـل وسـاذج ونامـي
ابناء القبايل وآهـل السيـف والكـور
قتالهـم علـى المسجـات حـامـي
لو هالملايين انفقـت بـر وطهـور
على البنى عـم الجيـاع الضوامـي
ماشفت شحاذيـن وديـون وعثـور
بين القابيـل هـاه ويـن التحامـي؟
صفو يا آخر جيل فالشعـر طابـور
قدامكـم ليـل ووراكـم حـرامـي.
بالـدور بالله اوقفـوا زيـن بالـدور
ويلقي الكوميدي قبل يلقـي الدرامـي
والكل منهي فـي وقوفـه ومأمـور
الوقـت ضيـق والتقـيـد لـزامـي
وماهو مهم يكون لك فكـر وشعـور
أهـم شـي تكـون شاعـر نظامـي
ولافيـه لجنـه ولا فيـه دسـتـور
الاسم سامي طالمـا المسـج سامـي
ياصاحبـي ياشـاعـر يامغـمـور
ماهكـذا تعـرف وتشهـر الاسامـي
شالفايده تصيـر شاعـر و مشهـور
اذا انـت تبعـي موهبـه وانهزامـي
لان اللي يطلب من رعاع العرب شور
ماهـوب اهـل للمعرفـه والتسامـي
ادري بتزعل نـاس وتلـف وتـدور
وبتقوول فيني قول جـارح ودامـي
وبتجي ردود العالم العمـي والعـور
مثل الخريـش اللـي بليـا خطامـي
لكن عزاي اني مع الحـق مسـرور
لو تزعل أخوالـي وتزعـل عمامـي
عن قول كلمة حق مانيـب معـذوور
مبـادىء خلفـي وقبـري أمـامـي
عادي اخسر اصحاب واخسر جمهور
أهم شي اني مـا اخسـر احترامـي.




[خلوها]
خلوها يا اهل الشعر وأخماس وأسـداس
قصيدتـي هــذي خطـيـرة مثـيـره
لله وللتـاريـخ ولـكــل هـالـنـاس
ولهالحـيـاة الـزايـلـة والـمـريـره
وأللي مهـوب لـذروة الفكـر عسّـاس
ينظـم لأصحـاب النفـوس الكسـيـره
الله الأول قـبـل لـفــظ الانـفــاس
عـز وجـل مـن الظنـون الصغـيـره
ما مثـل مثلـه مثـل ولا لـه أجنـاس
يخـلـق مخـلـوق ولا يستـشـيـره
أذل له وانصـاع لـه وأحنـي الـراس
أللـي جعلنـي مـا اعبـد ربٍ غـيـره
عساه يكسوني مـن السنـدس ألبـاس
في يوم يعـرى بـه الأميـر والأميـرة
شاعر وذنبي غيـر وسكوتـي أجـراس
ونفسـي علـى مالله عطاهـا فقـيـره
من كثر ما أعطي حب واخلاص واحساس
أنا ما عـاد أعـرف وشلـون أصيـره
في عقلـي الباطـن عقيـده ونومـاس
وفـي واقعـي خـوف وتـردد وحيـره
هل يا ترى ببني علـى حلمـي أسـاس
أم يـا تـرى ببقـى علـى هالوتيـره؟
والافلاس ماهو أفلاس من حلم الافـلاس
إذا مـا تمـلـك لنفـسـك بصـيـره!
مـا خلـق شـي ٍ إلا بقـدر ومقيـاس
مـا شـي يغلـب شـي أو يستعـيـره
أللي خلق خوف وخلـق ضيقـة ويـاس
خلـق أمـن وأفـراح وحـب وبريـره
لـذلـك الله لا يولـيـنـي أنـجــاس
ويكسونـي بفضلـه ومـنـه وخـيـره
الرب إذا تحتـاج لـه صـرت نبـراس
والإنسان إذا احتاج لـه صـرت أسيـره
والناس ناتـج نـاس استلطفـوا نـاس
أبنـاء رغبـة واستهـامـه وغـيـره
لولا التلاطف وأللي مـا بيـن الأقـواس
مـا شفـت هالعالـم شفوحـه غفيـره
نـدور ويـدور بنـا كــل هـوجـاس
ومـن أجـل ذلـك روسنـا مستديـره
الكـل تايـه فـي مصيـره ومحـتـاس
وماهـوب هـو أللـي يحـدد مصيـره
فيا ليت مـا تنسـى الذواليـق غـراس
ومـا ينسـى مجـرى الميـاه وخريـره
أعلم أللي عـاث مـن بعـد مـا جـاس
تـرى الجهـل راس الأمـور الشريـره
الإنسان لو يملـك مـن الجـن حـراس
أحقـر ذبـابـه قــادره تستثـيـره !
وين الملوك أللي على أقبـاب الافـراس
راحـو وخلـو المغـريـات الكبـيـره
هالأرض ياللي يرجـل النـاس تنـداس
بواقـي ابـن داؤد وابــن المغـيـره
الله يلعـن كــل مـشـرك وخـنّـاس
والله يلـعـن هالحـيـاة القـصـيـره
صغـيّـر الادراك وصغـيّـر الـبـاس
يشـوف كـل النـاس مثلـه صغـيـره
يا قلـب بـرّد كـل مـا هـب نسنـاس
مــا دام هاليمـنـى نـديـه جـديـره
يفـداك مـن رزقـه قتـات وتمـرّاس
لـولا رئتينـه مــا طـلـع زفـيـره
شفـاه مـن طـرد المـلـذات يـبّـاس
وهـو علـى عـد الـرواة وغـديـره
حديثـه فمـا قـال حـمـزه فعـبـاس
مـا حـدّث لمسلـم عـن أبـو هريـره
العمر فرحـه وحـده وعشـرة أتعـاس
ومـن لا يجيـره خالقـه مـن يجيـره
ومن عاش شاف وكـل غبـه بغطّـاس
والصـدق خيـرة مذخرتـه الذخـيـره
كل ما اكتشفت من الأصاحيـب بـلا ّس
أقـول يالله جـعـل فـالأمـر خـيـره
خيره تعرف إن به من أصحابك اخساس
خيـره ولكـن يـا عساهـا الأخـيـره
أقسى جـروح النـاس تغلبـه بنعـاس
مـا يذبـح الإنسـان إلا .. ضمـيـره
بعض البشر مثل ابتسامـات الاعـراس
علـى كثـر ماهـي مثيـره ضـريـره
وحيد ولا عندك مـن النـاس جـلا ّس
أخيـر مـن شـر الـكـلام وسعـيـره
والكل ما يخلـو مـن أخبـاث وادنـاس
في كـل نفـس ٍ هنـاك حاجـه حقيـره
فمن قبل لا سوي مشاكـل مـع النـاس
عنـدي مـع نفسـي مشاكـل كثـيـره



[كل عام وانت بخير]
جمرنـي ابدفـى مـن التجميـر
وبفـرح ولـو النـفـس نـقـاده
ياشهر تسعه جعـل مابـك ظيـر
بـك يـوم ميـعـادي بميـعـاده
جبه وجبني صـب ذايـب ميـر
معـاه خاتـم شــوق وقــلاده
ووجه رسايـل دعـوة وتحذيـر
لشياءنـا الـي غـيـر معـتـاده
لأحلامنا الواجد..عـن التحريـر
وقصـة سجيـن يحـب جـلاده
ووسائـل التشـويـق والتأثـيـر
والشعـر بوصـولـه وبأبـعـاده
والغيم..وزخات المطـر والطيـر
وبخـار فـم الـبـرد وقـنـاده
وسيُـد جنيد...وسيـدة كارتـيـر
وبكـلات ليـلٍ يشقـر اسـواده
والقبعه ... والمعطـف الحريـر
والنادلـه ...والقهـوة الـسـاده
والمرحبـاه الـي لهـا تخـديـر
وقلم .. ودفتر سلـك .. ووسـاده
والنمل .. والنسناس .. والنويـر
وابوعلـي واجــداد اجــداده
وابوعمر ... والسايـس الفقيـر
وجناينـي الشتـلات ابـوغـاده
والصبر ... والفراش ... والتقدير
وبنـات كــل الـحـي وأولاده
في شارعـه يتجمعـون عصيـر
للتهنئـه فــي عـيـد مـيـلاده
ولا خلص التصفيـق والتصفيـر
من كـل مجموعـة طلـع قـاده
وقالـوا رجـاءٍ مانبـي تأخـيـر
ردو ورانـا بــذوق وإجــاده
مع بعض ...كل عام وانت بخيـر
ياغـلا البشـر ياسيـد الـسـاده
تكفى وسامحنـا علـى التقصيـر
والله يـزود بعـمـرك اعـيـاده
وانا اللـي احبـك محبـه غيـر
مـن قلبـي وفــودة افــواده
كل عام وانت بخير وانـا بخيـر
وكل عـام وانـا احبـك بزيـاده
وكل عـام وانـا اكافـح التغييـر
وكل عام ولا انتب علـى العـاده
وكل عام وانـا امـوت التفكيـر
واحـبــك بـإصــرار واراده
وكل عام ودموعي عليـك تحيـر
وهـذي السنـة بالـذات هـداده
وكل عام تكبر بـه تـرد صغيـر
كأنـك تسـوي لوجهـك اعـاده
ياكبدي الـي معـك كبـد بعيـر
مــرددن غـاربـه لـشــداده
وياحـب قلبـي لقلبـك الشريـر
الابيـض الـي عنـاده عـنـاده
سياسـة التوطـيـن والتهجـيـر
ماخـلـت الفقـيـر فـبــلاده
والله وكبرنـا والامـانـي بـيـر
مـصـداره يشـابـه المـيـراده
"سبعة وعشرينك" عساها تصيـر
ميه علـى عـز وعلـى عبـاده
ياحبـي الاول ويــا الاخـيـر
اللـي قديـمـه ورث اجــداده
كل عام وانت بخير وانـا بخيـر
واشيـب وانـا احبـك زيــاده



[الصالحات]
أنا رجل لا يؤمن ببرج الدلو
لا كني أوءمن باحتقاري للبنات
التافهات اللي من العفه خلو
الناعمات الكاسيات العاريات
شعر حلو جسم حلو وجه حلو
لكن وين الباقيات الصالحات
.
.
.
.
.
.
.

معقده لأنها ما تغازل !!
ولانها تؤمن بجدوى العوازل
ولأنها تخاف ربي واهلها
ولأن ماهي سهم طالع ونازل
وانسانه تحس انها شي غالي
وعن هالقناعة مستحيل إتنازل
تنئ باسمها عن كلام المشاميت
وعن الملاحق والقصص والمهازل
تحيتي للي مثلها وللي
تقدر تغازل بس ترفض تغازل



























لقاء مع الشاعر سعد علوش








[سخرية الأقدار]
انا اليا مني تضايقـت واحزنـت
من ضيقتي تحزن لحزني جماعـه
لذا أكابر لأنـي ادركـت وايقنـت
اني حريـق وخايفيـن اندلاعـه
بك يألهي عن عطا غيرك اعتنـت
يلي خلقت من الصناعه صناعـه
لاضاق بي حالي توضيت واذنـت
وصليت لك يارب سمعن وطاعـه
مدامني عبـدك وبقـدارك امنـت
اكيد ابصبـر لانفقدلـي طماعـه
لا يارفيقي ليت لازنـت ماشنـت
امرضتني وانا ماعنـدي مناعـه
كنت احسب انك لاتبينـت بينـت
واثرك مع البشعين تدرس بشاعه
قسيت بي وانا لقربـك تهاونـت
وكسبت ضيقت خاطري واتساعـه
اللي على امال تزويجهـا ادمنـت
اخذتها فـي قـرب جـد ولكاعـه
ماوقفت دنيا بكبرها علـى بنـت
اللى يوقفهـا الرفيـق وضياعـه
يابن العمومه لاتحسبونـي شنـت
لا والذي تصبح بذكـره الاذاعـه
ماهوب هو لكن انـي كمـا كنـت
لا اخون فالصاحب ولا الوي ذراعه
على العموم اشكرك جدأ ولاهنـت
اقنعتني في شي واصبـح قناعـه
من سخريت الاقدار اني انا وأنـت
يضمنـا جـد ونتسمـى جماعـه



[يـا أنيقـه]
يـا أنيقـه آسـف بشـده علـى هالحوسـه
غرفتي تشبـه كثيـر أوضاعـي المحيوسـه
مـا توقعتـك أبــد بتجـيـن ! فاجأتيـنـي
ع العمـوم الله يحيّـي الطلّـه المحـروسـه
وقّفـي لحظـات بيـن عيـونـي التعبـانـه
لين أرتّـب لـك أريكـة قلبـي المشموسـه
واجلسي بيـن الزرايـر والحشـا الافريقـي
وائذني لي للبكي .. بيذاكـر معـاكِ دروسـه
شاعـرك .. فوضـاه علّمتـه يرتّـب حبّـه
أنتي .. ثمّ الحزن .. ثمّ دموعـه المحبوسـه
والدّموع اللي على وصلي ووصلـك تنـزل
تـرفـع بنزولـهـا أعلامـنـا المنكـوسـه
هذا إنتي؟؟ ماني مصدّق .. ولا ني مكـذّب !!
آه مـن بـرد الجفـا ورياحـه المتـروسـه
وايه حنّـا نـاس غيـر النـاس يـا حوريّـه
روسنا ما هيـب لضعـاف البشـر مريوسـه
لي افترقنـا نبتسـم ! ولـي التقينـا نبكـي !
ويـا فديـت جنوننـا واشياءنـا المعكوسـه
مرحبا .. ترحيبـة البـدو العزيـب الرحّـل
بالمطر .. لاوّل هشيـم الماحلـه المعبوسـه
صح هذا انتي ! وهـذا عطـرك السمياكـي
وهذي بوهة وجهك اللي بالضحى محموسـه
وهذي ربطة شعرك البيضا .. وذي خصلاتـه
كنّها فـي زيـت زيتـون الشفـق مغموسـه
وهذي الوانـك .. وهـذا المعطـف العنّابـي
وهذي ساعـة يـدّك المحظوظـه المنحوسـه
لا هـي اللـي طالـت أصابعـك وتشابكهـا
ولا هي اللي قريبـه مـن عاتقـك وتبوسـه
وهذي مشيتك اللي من صغرك مـا غيّرتيهـا
هالبشـر يخجـل يضـر القـاع ولاّ يدوسـه
الجمـادات الـرذاذ .. تهمـس لا مرّيـتـي
مرحبـا يالناعـس المحشومـه الطـاووسـه
قولي والله انك انتي معي ! مانـي مصـدّق !
لا تلوميـن الحـواس الشـرّد المهـووسـه
كل ما غنـى لـي الغيّـد بصـوت مواصـل
شلّهـا قلبـي وركّبهـا عـلـى منكـوسـه
صـورةٍ فـي البـال لـك معامـد اتخيّلهـا
أقرب احيانـاً مـن المحسوسـه الملموسـه
وانتي لو مـا كنتـي فيـدّي ولا كنتـي لـي
لحظتك عن عام .. كـل ليلـه مـع عوسـه
لانّـك الأفخـم إسـم .. والأبسـط انسانيّـه
ولانّك الوجه التقـي .. والطيبـه المغروسـه
ولانّي أحبك محبة عمق .. مـا هـي نـزوه
أسمى من حب الجسـد .. وللهوى ونجوسـه
يا أنيقـه .. آسـف بشـدّه علـى هالحوسـه
لهجتي تشبـه كثيـر أوضاعـي المحيوسـه
مـا سألتـك ليـه جيتينـي .. ولا ضيّفتـك
ما ابي أخرّب على جـو الوصـل وطقوسـه
ليه جيتي؟ أسألك .. وانا اعرف وش جابـك
طاب شجر الغاب والحطّـاب قـرّب فوسـه
لا تقولين اني أرخصتك .. وانا ما ارخصتـك
ولا تقوليـن اشتـراك المشتـري بفلـوسـه
ولا تقولين ان هالمـره .. هـي آخـر مـره
اتركي لـي حلـم بعـد احلامـي الميئوسـه
انا شاعر .. حلمه اللـي سـوّا منّـه شاعـر
الذهـب والعالـم الجديـد .. دم ضـروسـه
يا أنيقه .. لو خـذوك وسافـروا بـك عنـي
الارض صدري .. والسفر من قوسه ليا قوسه
ليت صيت الجد مـا ينفـع سخيـف احفـاده
وليتها هالحيـن وان الكـل شـارب موسـه
وليت .. نقطـه نقطـه نقطـه نقطـه نقطـه
ما ابي أغلط في الزمـن والعالـم المنفوسـه
ما اعرف شو اقول .. ولا اعرف ايش اسوّي
الحزن .. طلّت من ابـواب الليالـي روسـه
انسي كل اللي حصـل هاللحظـة وضمّينـي
يا خسارة عمـري اللـي راح ويـا ناموسـه
والله ان امه دعت لـه تحـت بـاب الكعبـه
واحـدٍ حطّـك فـي بيتـه يالغـلا عروسه



[يارفيقي]
يارفيقي لاتواخذني على عــزة كيانـي
وأنخذيـــتبها فعذري معي قـرم أو من عبيـده
سـمــني ياهاجري والا عبــــيدي وأقحطانـــــي
كـل منها يـــرفع الرجـال ويزود رصيـده
أسم واحد من الاسـامي؟ ذي؟ يبنيله مباني
كنـه أيشجــــع على طق الحديده بالحديده
وعلم؟ اللي يــوم بلـش أبصيغة الاحرف حكاني
داري أن أسمي لاجا فالـسالفه؟ جمله مفـيـده
لايحسب أنه نقـص من قيمتي والا حـداني
الجبـل وش ينقصه؟ لامن تـهاوت منه؟؟ حيـده
ول ياخمـر السوالف في مزاجيه؟ الاذانــي
أفتعل قتـل الطموحات ,؟ القريبــه؟ والبعيــده
ساقها؟ من بـرحة الـوادي؟ ليا حد المواني
وقال؟ نامي ياغناة الروح وأحلامس سعيده
مادرى؟ أنها؟ قد تحلت بركة الهرش العمـاني
أمن؟ أناسيمه الاثـفنته لا يده لا قيــده
حب الاحرف ضيع أحساب الدقايق والثواني
يامضيعة المبادي في رجا؟ نشدة نشيــده
يـاسلام الله على اللي حبها؟ بين المــــحاني
فارعن بلحالها؟؟؟ تسوى ثمـانمية؟؟بديده
ماتسلت؟ في مسليت؟ الاصابع والاغاني؟
ومـاتقول؟ أنا الوحيـده وماتسموة؟ بالعــنيده
من طهرها؟ تستـحي حتا؟ تصححـلي لساني
كني؟؟ أذبحها ليا من جيت اسمعها؟؟ قـصيده
ياغناتي من تعرض ذكـر ذربين اليماني
عقـبوه أمطويت الاكفن؟ هل الاريا السديــده
وكانها بالطيب؟ ماعقب الحصان؟؟ الا الحصاني؟
وكانها بالجيـد ياطيب أخر المعنز؟؟ وجيـده
وكانها في فبركة ضرب المعاني؟ بالمعاني؟
الشعر يسجد لوجهي؟ كل ماسوي جـديده
عــلميه؟ اني من أملوك القصايد؟ وأقحطاني
وأن بغا التفصيل؟ قولي؟من بني هاجـر عبيده



[لا تقيس]
لا تقيس الدين بالعقل يـا عقلـي ..ونـام
فيه غيبيات أأمـن بهـا ..بـلا مقـوت
لأن إيمانك بها يعنـي انـك فـي سـلام
من غضب ربي وسخطه وتخريب البيوت
لا تفكـر فـي مسائـل نتايجهـا اثـام
يكفي ان الوقت ملبسني من الاثـم كـوت
آثم بس اعـرف ويـش تاليـة الغـرام
بين شيخان العقيـدة وشيخـان البشـوت
تالية حـب الطرفيـن ضيعـه وانقسـام
تنعكس على من يـدور لمضنـاه قـوت
السكوت يزين لا صار من حولك كـلام
بس ماهو زين لا صار من حولك سكوت
ويش اقول؟ اقـول يالله جعلهـم للعـدام
لا.. بقول انا اتمنى قبل عمـري يفـوت
ودي انـي ماتعـداك يالبيـت الـحـرام
وودي ان اعيش فيك العمر كله وامـوت
الله اكبـر لا اذن المـذن وكبـر الامـام
واصبحوا زاكين الانفاس من خلفه صنوت
وابتـدأ يرتـل ونظـم بترتيلـه زحـام
وانتهى من ركعته وابتـدأ يدعـو قنـوت
الله الله الله الله علـى شـعـور الـوئـام
جعل صوت ابن سبيل بعد مليون صـوت
يجعل بيوت الشياطين في عقلـي حطـام
كن صوته ينتشلني معه من بطن حـوت
لاسمعته..يصغر الكون فعيوني ..وأنـام
وأمن إني مؤمن ابما يقول بـلا مقـوت


[بعض الصور المصممه لأشعار سعد علوش]