قصائد فكاهيه قصيره

هذي قصايد فكاهيه قصيره

لـــــــي قصة مع صاحب هندي....دايم انا وياه بمشاكل ودموع
وده يعزمني على تيس مندي.....وانا رقيقه ودي بهداياوشموع
خلي غبي والعقل عنده مصدي...وبفن التخلف حايز شكر ودروع
قام وتلفت وقال قومي تغدي....دواديك واجد يوم اناميت جوع


ناديت باسمك وانا مع زوجتي راقد...لين رفستني على بطني برجليها
وسويت نفسي مثقف واعي وناقد...واقول عادي مصير الوقت يرضيها
ويم كفختني طراق وصحت انا حاقد...الله يلعن غلاك ويكسر ايديها
واحترت انا وين ابلقى لي بدل فاقد؟....ولقيت وحده تهزز لي علابيها


شخص هويته جعل ربي يسله....اصعب شلل ويكون مايوجد دواه
والابرص يضفي على الجسم كله...يبدا بوجهه ثم يمشي على اعضاه
والا مرض طاعون حتى يفله....يسمع عن علاجه من دون يلقاه
ويصاب بالسكر وجسمه يسله.....حتى المشي بالرجل ماعاد يقواه
اللي بلاني وانتقل من محله....وانكر عهود كانت العام ممضاه

سو كنك مادريت وبوسني

سـو كنك مادريـت وبـوسني
وسوها ثاني على انـك تعتـذر !!

وقول أسـف مانتبهـت وضمنـي
والعذر مقبول ولـك منـي شكـر

وكـرر الغلطـه معـاي وخلنـي
أنتظر عذرك بكل فارغ صبـر!!

جيبنـي ثـم ودنـي ثـم جيبنـي
من حدود الشمس لحدود القمـر !!

ويـن ماتبغـى فديتـك ودنــي
خادمك ياسيدي تحـت الأمـر...

هد حيلي بالغرام وهدني
والله اني نذر حبك نذر !!


تكفى بعثرني شظايا ولمني
في كفووفك يا بعد كل البشر!!!

راح اسوي كني دخت وضمني
ورااح اقوول امزح وابوسك واعتذر

قد عطيتك

،؛، قد عطيتك ،؛،
قد عطيتك وانـت ماضنـك لئيـم .... والنصيـحـه لليـالـي تـذكـره
لاتحرك جرحـي الماضـي الاليـم .... ولاتحسب ان طول بعـدك طهـره
كل جرح يهـون يالجـرح القديـم .... وكل شي قد مضـا معـك اذكـره
جرحي وذكـراك والليـل البهيـم .... حـزت فـوادي بمثـل المنشـره
العذول غراب وانا اكبـر غشيـم .... والجروح الماء وطاريـك حجـره
والزمان اكرم من الحـظ الكريـم .... لانفتح لي بـاب صوبـك سكـره
وحبك اللي لاطرى لي رحت اهيـم .... قمت احسب اصغر كلامك واكبـره
ليتنـي عـاد الهـوا تـوه فطيـم .... انعذلـت لعاذلـي بـس خـيـره
مالقيت من الوفـاء يـااول نديـم .... كون صدق الحزن وجهه وظهـره
عقب رمح الشوق في وجه الصميم .... سيف هجرك في قفاه وشف ثـره
وانت شكلك تحسبنـي فـي نعيـم .... لنـي اخبـي صوابـي واستـره
لايغـرك حلـم رجــال حلـيـم .... مهون اللي مـن سكوتـه فجـره
ولاتحسب الجفن من دمعه عقيـم .... يستحي منك والى اقفيـت انثـره
ولايغرك وان بدا جسمـي سليـم .... والله ان جسمي سـوار المقبـره
والله ان امر من ضحـك الغريـم .... شوف حقي بين اياديـه اشكـره
والله ان احر مـن دمـع اليتيـم .... دمعة الرجـال مـن فرقـا مـره

أروع القصائد

أروع القصائد

وقصائد تحمل في معانيها أحلى كلام

أتمنى لكم رحلة ممتعة عبر هذه الأبيات الرائعـ







.•. أكره طاري غيابـــــك !!.•.

يامرحباً عد ما أكره طاري غيابـك
يا واحد فيك عقلي يشبه جنـــــوني

قلبي .. وش اللي تبيه أشر بسبابك
نذر علي هقوتك ما تنثني دونـــــي

أنته حبيبي وأنا هم سيد أحبـــــابك
محد حضنته مثل شرواك بعيــوني

لك بسمة من نظرها يحسد أصحابك
ليتك تبسم لناس فيك لامــــــــــوني







.•. المتــــــــاهة .•.

جيتني كنك الغيمة بعين بـــــــــــــدوي
يوم هلت جرح بطن الوطا سيلــــــــها

جيت تطوي مسافات المفارق طـــــوي
مثل بدو طوت طول البطا خيلـــــــها

والله انك على طول المدى لـي خـوي
وأنت صبري بهالدنيا على ميلــــــهــا

إيه أنا الظامي اللي منك أبد ما روي
اسقني طف لوعة روحي وويلهـــــا

نارحبك كوتني في خفوقي كـــــــوي
ومهرة الشوق تجمح لك على حيلــها

الغلا بالمواصل والامل مستــــــوي
وظلمتك أشعل سنيني قناديلـهــــــــا




.•. صادق الوعد .•.

صادق الوعد لو دونك مسافة طويــلــة
داعي الحب يجبرني والبي نـــــــــداك

واتحدى الظروف اللي بوصلك بخيــلة
ما ترد الحواجز خطوتي عن لقـــــــاك

المصاعب على شانك تراها ذليلــــــــة
حطمتها مشاعر قلب عاشق رضـــــاك

كل مشتاق قلبه في المحبة دليلــــــــــة
أعطني صادق احساسك وروحي فداك



.•. على حطة ايدك .•.


أنا على حطة يدك ما تغيــــــــــــــرت
بس انت قلي وش سبايب غيــابـــــــك

نسيتني والحين يعني تـــــــــــــذكرت
وإلا الهوى من دون تدري مشى بـــك

وإلا على خل يحبك تكبــــــــــــــرت
وإلا زمان كان ضدي غدابــــــــــــك

أعاتبك من كثر ما فيك فــــــــــــكرت
وعقب العتب من كل قلبي هلابــــــك